السلام عليكم

ما اجمل من الطير والمقناص الا استماع القصيد الممتع والمفيد من شرواكم.......

قصيده اتمنى ان تنال على اعجابكم

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياطيرنا اللي مايصيد الكراوين=ولاقنصه فهاد صاد الحباري

قرناسةٍ فيها مواري شياهين= واخذت من الشبوط كل المواري

اما تعلت فوق روس الضلاعين= والا هددها في طيور الحماري

شفي على اللي منقلوه الغشيمين=هاك الفصيل اللي على الصيد ضاري

عرضه عريض وطوله يفوق شبرين=مادوجوبه بين بايع وشاري

منخر وسيع وبوز مع قحفة العين=كراعه قصير وعاري الريش عاري

كن النحر ولع شموع المحبين= وجرح المفارق بين الاثنين باري=

والا الظهر يدمج من اللون لونين= لون القطاه ولون ريش القماري

دقاق المواسي وارض مع عاتقٍ زين= محدٍ دعاه من المخاليق غاري

لاجيت جوٍخالي الناس والضين=فوق اللتي تقطع فجوج الصحاري

قفرٍيسر بشوفته خاطرٍشين=فيه الخزامى والنفل والغراري

مسقيه وسميٍ مع اليوم يومين= معها ثلاث ايام والسيل جاري

فيه الجمال يفوق كل البساتين= فيه الحباري تتقي بالمذاري

فيه ام سالم غطرفت بالتلاحين= ترقص على نوارها والشقاري

اليا مشينا فيه نمشي ثقلين= نبخص ثرى ارضٍ ماخلفتها الذواري

وفي غفلةٍ فيها على الصيد حرصين= نادى المنادي قال جرة حباري

وجينا بعد فيها ثقلنا سريعين= للي خذت هاك المسيله حواري

ومعها تفرقنا من يسار ويمين= واللي على هاك المقاطع يباري

واللي رقو فوق الطويل متعلين= باللي على الطلع الموكد يماري

بحث وتحري كلبونا خبيرين= والكل منا في هواها استشاري

ولحظة وقوع الحادثه للعدوين= واقفت تهز الموس تال العصاري

عطيتها اللي لا ملى شوفها العين= كنه يقول اسرع على فك ساري

ترقى وهو يرقى تقول متواصين= كنا تحتها ضاربين البواري

وماعنده الها غير ثنتين ثنتين = تعليق والا للهبوط اضطراري

وارهى الحوق وردها بس ردين= ثم قام ياخذ بعض ريش الدغاري

تقول نداف القطن والبطاطين= لاقام يندف مطرح ام الخزاري

وحول بها مثلي المظلي وبهوين= كنه عليها يوم حول يداري

متى على الله يزمي سهيل ويبين= ويطري على الصقار بعض الطواري

والا انت يافهاد مايلحقك شين= نشمي وطبعك للنشاما يجاري

ماعاد حنا في هوانا خويين= انا بدوي وانته سياحي حضاري

دوج بشرم الشيخ والا ببرلين= وانا على جيبي بدوج البراري

مابغى سياحة عام خمسه مع الفين= شفي على المقناص لاهد طاري[/poem]

ــــــــــــــــــــ



.