السلام عليكم ورحمةالله وبركاته ..

متواضعه اتمنى قبولها ..


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خل العتب تفداه باقي المعاذير = لايبين سد ولاتبيح السريره
إليا عرضلك كايدٍ خذني مشير = ولاهوب عيب إن صاحبك تستشيره
اما حسبت حساب طول المشاوير = شرهة قدم ساقك تحث المسيره
تصبر على ما بالزمن قدمك يصير = وانته وحظك في رخاه وهجيره
حدد لك اهدافٍ على اقلّ تقدير = انقل مثل نقل الهدف بالشعيره
ماهوب دايم والخطا فيه تبرير = العمر وايامه قليله كثيره
هذا وانا نايف زبون المخاسير = اكحل عيون الاوله والاخيره
لي هقوةٍ مبطي تشوح الطوابير = واليوم لا بالله جتني مغيره
هذا وما يثّر على القلب تأثير = دامك عرفت شلون قلبي تثيره
حرام قلبي تنتله نتلة السير = بكف اشقرٍ حتم رباطه مطيره
اومى بمسباقه على حزة عصير = اخطل كفوفٍ ماضرى بالحجيره
ما اضن بسلى عن غرام الغنادير = راع الهوى لو قيل مولع بطيره
وش عاد ياللي تنقل الطير ويطير = طيرك سمى وانته تجوب الجزيره
تبغى ونس بالك بعيدٍ عن الغير = في خايعٍ تنعشك نفحة عبيره
عن الكلافه تمسي الليل بسدير = ومن اللهابه لــ ضواحي عشيره
لو الخلا الخالي عجاج ومعاصير = من قوّ باسك مايردك صفيره
هني قلبك داله ٍ صبح وعصير = ماكرعنك حب العشير لعشيره


وسلامتكم ..[/poem]