|
( وادي حنيفه )
[align=center]اسعد الله اوقاتكم بكل خير
قصيده متواضعه للتواصل
....[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حلم الانسان ( مبصر) والليالي ( كفيفه )=وإن رضيت الخساره .. وش يفيد أعترافي ..؟
صار ضيفي قصيدي وإلا انا صرت ضيفه=مدري .. لكني الليله زهمت القوافي
من يلوم الوفا وإلا القلوب النظيفه=لا حداها على درب الردى قلب هافي
لو تعلّت على روس الجبال المنيفه=ثابته لو تنطحها رياح السوافي
قلّها تكشف الماضي وكذبه وزيفه=ولاتعوّد على ظلم السنين العجافي
من عيون الاوادم أوجس القلب خيفه=جرح ٍ أخفيت غصب .. وجرح ماهو بخافي
يوم كل ٍ على هرج القفا حد سيفه=رحت اشيل الجروح ولاتلفّت خلافي
صاحبي لو تقاسمنا الشقا بالنصيفه=كان ما صار طرفك من غثا الوقت غافي
أخذ سطوة عقاب .. وأخذ طيب القريفه=وأبتسم للزمان وكل ضيقه عوافي
ماتطول المعالي كل نفس ٍ ضعيفه=ولايروم العلا ياكود قرم ٍ سنافي
سيّل العز وأذكر مجد ( وادي حنيفه )=عزة النفس دايم ثوبها ثوب ضافي
أطلع الجود وأزهر باليدين الشريفه=يوم بعض اليدين حضورها ما يشافي
حلم الانسان وقف للحظوظ الكفيفه=وان رضيت الخساره .. ماقويت اعترافي..!![/poem]
طموحات عمري مالها حد وقياس= رضا النفس غايه والعزوم الوسيله
الابداع ( حاله ) لو توّزع على الناس=ماشفت العقول الطيبه والذليله
يجاذب خيالي حزن ويروح هوجاس=وذي حالتي في كل يومٍ وليله
ضعيف العزايم ماقوى الضيم والباس=وقوي العزايم لا بغى تستويله
أحمد العبدلي
|