المشاركة الأصلية كتبت بواسطة زايد الرويس
[align=center]
يا ريم وادي غلاي وسيل تحنانه
واحساسي العذب .. لا .. يا اعذب أحاسيسي
من وين طحتي على قلبي يا رمّانه ؟
وشلون أوجدتي اسمك في قواميسي
بأشعل ضلوعي حطب وادفي يا بردانه
تمسكي في عروقي .. عن كوابيسي
أبحضنك طيف عابر .. ليه خجلانه ؟
ما دام وصلك حكاية في هواجيسي !!
أنتي لو انك تركتي قلبي وشانه !
ما كان ريح الوله تشعل فوانيسي !!
كم كان مسجون قلبي بين جدرانه
كم كنت افكر أحب ! وألعن ابليسي !
مشاعري صح .. والأيام غلطانة !!
جابتك والشيب يلعب في تضاريسي
أنتي من أية زمن جيتي يا ولهانة ؟
ووشلون كنتي بعيدة عن كواليسي ؟
يا حلوه رضاك لا من هب ريحانه
ولا من زعلتي يصير الشعر تنفيسي
واقوم اغني واقول " الحلوةْ زعلانة "
أزعلّك يمكن يراضيك ...... !!
قومي نغني سوى " هيلا يا رمانة "
باحساسك العذب .. لا بأعذب أحاسيسي[/align]
مشاعري صح .. والأيام غلطانة !!
جابتك والشيب يلعب في تضاريسي
[align=center]الله عليك
يابوعايض
صح السانك مدد بلاعدد يالغالي
تقبل اطيب تحيه[/align]