قصيدة. معاناة ثلاثة أرباع المجتمع

السلام عليكم


[POEM="font="Simplified Arabic,5,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
_
الله يــرزقنـي يافـــراج وارضـــيــــك = وأشري لك اللي ودك أنك شريتــه

يرزقني اللــي بك رزقني وأسليـــــّـك = وأجيب لك كل الذي قد بغيتـــــــــه

والله ثــم والله مــــاودي أبـــكيــــــــك = غصبٍ علي والا انا مارضيتـــه

أسمعك زين أسمعك والله واوحيــــك = وأن كان ماتدري فوادي كويـته

لكــن ماتدري عن أحــوال مغليــــــك = الدَّين واجد والوفى ماقويتــــــه

راع البقــاله قــال ماعـاد نعطيـــــــك = حتى تسدد كل شيٍّ خذيتـــــــــه

وراع الذبايح قـال ماعـندنا فيـــــــــك = كم من خروفٍ قد خذيت وكليــته

وراع الملابس قــال سملك يكفيــــــك = إلبس سمولك ليه سملك رميتــــه

وراع المحطه قال يومين واشكـــــيك = واجيب أمرٍ يزعلك لاقريتــــــه

وراعي وراع. وراع. لو قلت باشقيك = غير الذي في خاطري مانسيتــه

والرزق عند اللي من الضعف منشيك = اللي حمى من أبره الفيل بيتـــــه

لامــن دعيــته خالقـــك مايخليــــــــك = ولاهو يخيب به الرجا لارجيته

ولابــد ماتفــرج عليــه وأنــاديـــــــك = وأجيب لك كل الذي ماشريتـــــــه [/POEM]