انا لي فواد لاشعر بالخطا مقلوع

السلام عليكم
اتشرف ان اورد لكم هذه المتواضعة من جديدي راجيا ان تنال اعجابكم

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليا جاب هاجوس العشا لي مية مشـروع =وقامت كثيرات الهواجس تنازعـني
يجيني على الامثال مثل الظما والجوع =ولاهيب هزلات التماثيل تشبعي
ليا وجهت موجات فكري على موضوع =هجوسي على جزل التماثيل تدفعنـي
صعيب المعاني لاعسفته يجي لي طـوع =ومن وين ما وجهت وجهه يطاوعني
وانا لي فواد لاشعر بالخطا مقلوع =الى جت محسة من هل العرف توجعني
وانا اشره على اللي بيرقه بالوفا مرفـوع =ومعه كل ميزات الوفيين تجمعنـي
رفيقه واعده عندي اصفى من الينبــوع =وهوخابرحرصي على رضاه وش يعني
الى صار يم اهل النمايم رهيف سمــوع =الى ضيعوه اهل الحكي لايضيعنـي
اعزه وقدره في صميم الحشا مطـبوع =ومن ابسط حقوقي قبل يزعل يراجعني
ولا نيب احسب زلة من قصير البـوع =ولو هي مثل ضلعان اجا ما تزعزعنـي
عسى الخط مابيني وبين النذل مقطوع =اسوق البشاير يوم مثله يقاطعني
خبيث الدغايل رفقته مابها منفـوع =ولابيه بطبوع النذالة يطبعني
ورفيق يجي لي كل ساعة بشكل ونوع =عن مرافقه رفقه هل الخير تاسعني[/POEM]