( مدها هيل عرف وردها زعفران )

السلام عليكم ورحمة الله وبركاته
مالنا عن هالمنتدي صده
مشاركة من قائمة ( منذو مبطي ) عساها تحوز رضاكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
التهاون بحق الآدمي يا فلان=فالشريعة وفي سلم الرجاجيل عيب
احفظ الحق للغايب وصون اللسان=أنتبه لاتزل وزلّتك .. شق جيب
طلق وجه البنادم فالبيان العيان=خل صدرك على ميلات وقتك رحيب
قيل في مامضي كريم الايدي معان= وقيل غيره كلامٍ يارفيقي مصيب
كان ماتكسب الطوله من أول زمان = ماتفيدك ليا جت طولتك فالمشيب
خل كبوتك في وقت المواقف حصان= وخل كلمتك تفرق من طليبٍ طليب
لايساورك شك ولايخالجك شان = صير لا طاولك مسري التهاتيه ذيب
ولايغرك زمان ولا يغرك مكان =كل شيٍ وقافيه الفنى والمغيب
مدها هيل عرف وردها زعفران = وسوقها مثل ما ساق النجايب نجيب
فرصة العمر وحده يا وسيع البطان = وإن تعدتك ما فاد البكى والنحيب
شفنى انصحك فيها قبل فوت الآوان = واعتبرها مناصحة الصحيب لصحيب
[/poem]