تبااااااشير ااااالسعد

قصيدتي في مسابقه الامير سلطان

[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
تباشير السعد قامت تلوح بروقها في خير = من المغرب يداعبها الهوى صوب السعوديه
ديارٍ جوّها غير وثراها اللي حضنّا غير = بدت تاخذ نفسها زين واجواها طبيعيه
زهاها ثوبها الاخضر وغرّد في سماها الطير =بعد ماكان فيها للتعب والحزن ماريه
أكيد غياب ابو خالد محل الحزن والتأثير = وتبقى عودته عيد وزوال الباس عيديه
ألا ياسيدي سلطان مديونين بالتقصير =لو إنا نعتذر تقصيرنا تسعين فالميه
تمنّينا جميع إنا معك واللي يصير يصير =ونطّمّن على صحتك حتى اثنا العمليه
لكن اللي سبقنا بالوفا هامة فخر وامير = مواقيفه شرف ومجاد وافكاره قياديه
سليل المجد حاكم نجد ساس العلم والتطوير = طبيعي لو نقول أعظم رجل وجلّ شخصيه
أخو سلطان أبو سلطان يعجز دونه التعبير =لو إنا نطلق إمهار القصيد بكل حريه
لأنه معجزه والمعجزه فيها العقول تحير = غدى مضرب مثل بوجوده الامثال عاديه
شموخ ومجد مايحتاج لانبذه ولاتقرير =تميّز بالسياسه والحكم والدوبلوماسيه
لسانه رطب بالتسبيح والتهليل والتكبير = يناجي من تعلاّ واعتلى عرشه وكرسيّه
سرى مسراك يوم إنك سريت ورافقك فالسير = وقال العزم يجتاح الكسل والاتكاليه
هنا معنى الاخوّه والوفا والحب والتقدير = هنا روح التكاتف والتلاحم والحميميه[/poem]