يا همومي : ..... ريحيني

[poet font="Simplified Arabic,7,chocolate,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا همــومي
[/poet]
للجميع .. يهديكم الشاعر / ضيف الله بن سويلم العتيبي
قصيده إجتماعيه .. و يأمل ان يسمع آرائكم فيها .. لكم تقديري
وتقديره .....



[poet font="Simplified Arabic,4,orange,bold,italic" bkcolor="black" bkimage="" border="solid,5,orange" type=0 line=200% align=center use=ex length=0 char="" num="0,black" filter=""]
الا يا همومي ريحيني شوي شوي=ترى الهم ما يصلح ليا زاد عن حده
ورا الهم يشغلني وأنا ما غدالي شي=هواجيس قلبي خلته ينبحث سده
همومٍ توديني اليا الساحل الشرقي=ونوبٍ توصلني شواطئ بحر جده
وانا من فضل ربي لا شاكي ولا مشكيّ=لكن الهموم تراود القلب من مده
واظن السبايب كلها من شتات الحيّ=أمورٍ منول ما تجي داخل البده
اشوف الاقارب في تنافر ووضعٍ سيّ=أحد ماسكٍ حده وأحد واقفٍ ضده
أحد يهدم جدار الصداقه وأحد يبنيّ=وكلٍ يبي العالم تمشّى على وده
أحد يتبع المشروع أحد يتبع المنهيّ=وكلٍ يفصل له ملابس على قده
أشوف الخطأ بين العرب وأعرف المخطيّ=ولو أنصحه جاءت الشياطين منهده
أبهدِ العرب يا حميد مير الله الهاديّ=وأنا أخشى على بعض الأوادم من الرده
ليا شفت لي مقفين أنا ما أتبع المقفيّ=أبا اقفي عنه وابا اتبع الشده الشده
يغيّر مسار السيل الاصلي بوضع النيّ=ومن راد رد السيل بالعكس ما رده
إليا ورّدت شيب الغوارب تريد الميّ=يخيب الذي يرد الطويله بلا عده
وأنا لو بغيت أجلي عن الناس كيف أجليّ=يجي للهروج العوج في غيبتي عده
يقوم المنافق يصنع الكذب والحكيّ=وساع البريد يودي الكذب ويرده
أبا آقف مع أهل الحق ما دام راسي حيّ=وابا أترك رفيق السوء وأجزاه بالصده
و ابا ادخل على ربي وأصلي على النبيّ=عسى الله يزيل الهم ويهون الشده
[/poet]