لعبت الدكتور بعيوني

اخواني اعضاء وزوار مرقاب العز
مساء الخير
نزولا عند رغبة عدد الزملاء الغالين
اقدم لكم هذه القصيده
والتي تحكي معاناتي مع الدكتور عندما اجريت لي عملية تشطيب
قبل عامين والحمدلله الان ارتحت من النظاره والنظر ولله الحمد
ستة على ستة قولوا يامشالله


[poem=font="Simplified Arabic,5,black,bold,normal" bkcolor="transparent" bkimage="backgrounds/31.gif" border="groove,5,purple" type=2 line=0 align=center use=ex num="0,black"]
يوم ابتدت لعبت الدكتور بعيوني=وحضّر جهازه واداوته مبريها
ســألت ربي ذليلٍ شاحبٍ لوني=يالله وداعتك بعيوني تـعـافـيـهـا
اخاف من ( ليزره ) لايخترق نوني=والا خطا يرخي المشرط ويعميها
والا فضول الطبيب يبيح مكنوني=يقعد يفتّش ويلقى صورةٍ فيها
صوره عزيزه مثبتها لمظنوني=داخل عيوني عن الدنيا مخبيها
للي الا حل ذكره جنت جنوني=اومي بيمناي للجوزا واناديها
خلٍ غيابه شقاي ومنبع حزوني=شرايده صورة لايمكن اصخيها
اعنف يادكتور همي واعمق طعوني=أن كان وسوس لك الشيطان تخفيها
والا تعبّث بها وتخيّب ظنوني=والا على غفله الاسرار تفشيها
ويدري بها عالمٍ منزالهم دوني=اضعوف الانفس قريباتٍ حراويها
سري وداعتك وانت اليوم ماموني=مهنتك معنى الامانه وانت راعيها
استر ماواجهت يادكتور بعيوني=تكسب جميله وانا ماني بناسيها


شعر ضاوي العصيمي[/poem]