اللــيــــل عــقــبك . . !!

السلام عليكم ورحمة الله . . .
في أولى مشاركاتي أخترت لكم هذه القصيدة متمنياً أن تنال رضاكم
كما أهديها لأخي وزميلي عيد السواط . .

[poem=font="Simplified Arabic,6,white,normal,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black""]
عـــوّد الليل عقبك سرمدياً يهــــــــاب=لا صفالي ونيــس ولا غفــالي جفن
ياهجوسي ولفت الهـــــــــــم والإكتئاب=مثل ماتالف الورقا ظـــلال الغصن
ضاق صدر السحاب وطال ليل الغياب=والدقايق عقب فرقاك حقبة زمــــن
من يلوم العدود إن شح كف السحـــاب=من يلوم الغريب اللي مفـــارق وطن
كن بيني وبين الهم حلف وكتـــــــــاب=لين بيٍّن نحــولي والعــــــروق انشفن
كيف ابدل مسابيقي بروس الهضـــاب=لـــــو دفعت السنين اللي بقت لي ثمن
اسمع الدرب يسأل وش بقى من زهاب=قلت ســــــود الليالي وش بقى ماخذن
سقت عوص النجايب بين مخلب ونــاب=مالحقني مـــــــــــلام ولا لحقني جبن
ماوردت الهماج آرد رســــوس الذياب=لين فج العضـــــود من القراح ارتون
كان ماشفن غليلي علهن للذهـــــــــاب=جعلهـــــــــا فراق من لفو عليه الكفن
والأماني مضامي والتمني ســــــــراب=والتباريح ليــــــــــل ساد فيه الشجن
[/poem]

- - - - أبوعـــــــامـــر - - - -