طبق الاصل ..؟

السلام عليكم ورحمة الله وبركاته

مساكم/ صبحكم الله بالخير



العذر على القصور


كيبورديه بدون تنقيح كـ العاده

آمل ان تجد القبول


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عندك كلام وجاي ً تقوله وانا عندي كلام = والكلمه اللي تستحي منها تجر ّ وبدّها
ماجيت اصحّي فتنة الموضوع والمبدا سلام = وانته عليك تخف من نفسك وتبدي سدّها
قلنا قبل عام ( سنتين نشوف ) واللي راح عام = واليوم لاني مع هذيك ولاوقفت بضدّها
فالمنتصف هذا مكاني يارفيعين المقام = قبل اتهام العالم الباطل و ( خذها ودّها)
إن كان لك راي وعقل لايشّر اصبعك اتهام = مايتهم..........................صدّها
وانا علي اصابع العالم و ( مسقين الحرام ) = كل ً يحد عيونه.. وعيني عليه احدّها
الحكم ماضي والصحيح النور جلاي الظلام = واللي بنى ابراج الحرام إن عاش وقت يهدّها
ماشالت اكتافي من العالم ولا كيلو جرام = ولا معاريفي على الريجيل عيب اعدّها
اعيش في هيبة اسد واموت راسي فالغمام = اموت واقف كالنخيل اللي خذلها عدّها
واقدر ربوعي والاصحاب وهل العرف الكرام = واللي تمد اله اليمين بكل طيب يشدّها
قم شدها ياللي كلامك فعل وافعالك وسام = على صدر صاحبك وادري والله انك قدّها
لاتسمع الاخبار لو قالوا بدا يوم السلام = 60 عام ً والعرب ماودها لو ودّها
وموضوعنا طبق الاصل لاهوب راس ولاسنام = من وركها في فخذها من فخذها في يدّها
عشنا على ظهر البسيطه لاجلوس ولاقيام = والارض واجبنا نقبّلها وناطى خدّها
إن عاشت فروخ الصقور انقرضت طيور الحمام = ولولا القمر ماينذكر جزر البحور ومدّها
سقنا الظوامي لين جات العد واروينا الحيام = واللي حدانا للظمى ساق الطروش وحدّها
قمنا على ساق وقدم واللي يصمّدنا العظام = واجسامنا لولا العظام ادنى ماجاها هدّها
واليوم مابين الجفير وبين حدك يالحسام = لابدها تلفي عليك اللي مضت لابدها
ابديت مافي خاطري .كلمه. ويقفاها احترام = واللي معه خوصه يتل نصابها ويحدّها
امّا يعشي فاطره للناس لو كانوا صيام = ولا نقول ( الفاطر اللي ماتعشت غدّها )
عندي كلام وقلته..وعندك حسب علمي كلام = والكلمه اللي تستحي منها تجر وبدّها[/poem]