الرجـــــــــــاء

السلام عليكم ورحمة الله وبركاته

مساكم الله بالخير جميعا ..اعضاء منتديات المرقاب

لكم اقدمها يسبقها عذر ويقتفيها شكر .




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا من وين مامديت صوتي يالرجاء ماشوف =على بيد الظلام الا جروح البعد واحبابي

مليت الوقت صدق ولا ملاني غير حزن وخوف=على حلم فقدته من سنه مع درب غيااااابي

وقفت ولا وقف عمر الغياب وكل يوم يطوف =يشيب به الطموح بداخلي والشوق ماشابي


وقفت ولا بقى من حول كفي للوصال كفوف =ودريت ان وحيد وكل كفٍ لاح لغيابي


وحيد... ولا على لساني سوى (جعل التعب مخلوف) =وحيد.... ولا معي غير الضياع اللي تلوى بي

وحيد ...ولا بقى فيني لحملك يالهموم كتوف =وحيد...وكل ماهب الحنين يشرع اهدابي



قضى حيل الملام ولون وجهك يالرجاء مخطوف =دخيلك لاتبوح لشرهه الازوال عن مابي


يروف الوقت وعجافه وماظن الوجيه تروف =وانا من دون طعن حرابهم تكفيني حرابي

تصبر دام باقى لـ الشعور ونبض قافي جوف =تداحم به مجاهيم الجراح لصوت هندابي

على من ذكره اليا مر في عين السهاد طيوف =تباعدت النهار ولاح حزن وضاقت رحابي

كثر ماقصر يدين الامل والامنيات ظروف =وكثر ماماتت احلام السنين براحة اجدابي


احبه لين مايبقى على لسان الغرام حروف =احبه لين ما يقتل صداها وحشة عتابي[/poem]