(((( فلسفة شاعر ))))

السلام عليكم ورحمة الله وبركاته


تتمنى القبول


============

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
ياصديقي خل الاسرار في قلب الملول = لاتزيد الطين بلة .. على شان الغلا
آه يا كثر المشاكل ويا قل الحلول = والتعب بانت مواريه والصدر امتلا
عاكست واقول شدة وبإذن الله تزول = والبلاوي كوم يالله تعين المبتلا
كاتم ٍ لي حاجة ٍ لو اطلّعها تهول = غيبها في علم رب السموات العلا
لاتحاول تاصل لشي ياصعب الوصول = والله لتبطي وانا ابطي وسري ما انجلا
والقلوب الها صناديق تحميها العقول = والعقول انواع واحجام في روس الملا
ويختلف نوع الصناديق وانواع القفول = واسهل الانواع يفتح بكلمة يا هلا
والاوادم في علاقتها رفض وقبول = شرح مفهوم البراءة ومفهوم الولا
والامانة والثقة هي مفاتيح الدخول = للسراير في قلوب الاوادم من إلى
شي موجز والتفاصيل معناها يطول = والكلام ان زاد عن حاجته ماله حلا
فلسفة شاعر ليا قال يدري وش يقول = موهبة من عند رب البشر جل وعلا
قبل تحليل الفروع ايتعمّق بالاصول = ولايبيح بغايته غير لفجوج الخلا
ياصديقي والسهم في طلوع وفي نزول = والسنين اتدور والسوق يرخص ويغلا
وانت من باب الميانة لشبّاك الفضول = تحتري لك حاجة ٍ ماوراها الا البلا
طيع شوري خل الاسرار في قلب الملول = لاتزيد الطين بلة على شان الغلا[/poem]
*
*
*
*
*****