عـــــــــذرٍ سميـــــــــن.....~~~

.


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


الله على الدنيا يابو ناصر يعين =اليا خطينا قدم ردتنا ورى
مالي غنى عن كلمة الحق المبين =لو الحقتني ضعفة الانفس زرى
سلعه ثمينه فالعيون وفاليدين =خسران بايعها ورابح من شرى
والا انت عندي ياعشير الغانمين =تسوى المدينه كلها وجمع اومرى
لاني انا وياك يالعقل الرزين =في سلسلة بر الابوين اخشرى
مانيب شاكيلك وانا قلبي حزين =اشكي لمن فوقي عن أوضاعي درى
الصبر واضح في وجيه الصابرين =والجرح لو طول مع المده برى
مير البلا من ثورة اشجان الحنين =لامرك الطاري وهوجاسك سرى
اما تجيب إللوعتك عذرٍ سمين =والا تدن الهاشميه لاطرى
صحيح انا لايامي الحلوه مدين=لكن انا ديان لايام الزرى
رسمت لامالي مع احلامي سنين=وتبعثرت وانا على حيد الذرى
ومديت كفٍ ماتجيب الا ثمين=ورديتها قد ناشها بعض العرى
واسقيت غصنٍ قلت يمكنه يزين=واصبحت راسه راجع يم الثرى
ونوخت مضهوري على الحمل المتين =وازرى يقف تقول مشتالٍ كرى
ياشينها لاصار موضوعك سجين=بين الضلوع وهمك لقلبك فرى
وياشينها لاصرت لاحلامك رهين=واحلامك اللي عشت عكس اللي جرى
ماغير اقلب صورتك في كل حين=واقول ليه احرمتني حلو الكرى
غيبت شمسٍ قبل لا عرفك تبين=مدري توارت او عيوني ماترى
وصحيت في صدري من الفرقا ونين=وشبيت نارٍ تحترق شوق وحرى
قصة غرام وبعثروها الحاسدين=مكشوفةٍ للي سمع واللي قرى
صفعه من الايام من فوق الجبين=بسبابها دمعي على خدي جرى
اما تجيب لبعدنا عذرٍ سمين=والا عليك اليوم رديت البرى[/poem]



.