مجلس الحقران ...

الاحبة في مرقاب السمو
السلام عليكم ورحمة الله وبركاتة
.
متواضعة
تحكي واقعا مؤلما في مجالسنا اليوم ...
اتمنى ان ترتقي لكم
.


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياشايب الرحمن دار الوقت دار= وبانت عليك اقفايته واقبالته
في شاربك نيشان نوماس و فخار= وفي عارضك طيب ٍ قريت رسالته
والمجلس اللي ما لشيبانه وقار= شم عن فناجيله وخل بيالته
مادام ما للشيب حشمه واعتبار=احفظ حصانك عن وغا خيّالته
ومادام ما جاء لابيض اللحية شنار=لا يلتوي حبلك على محّالته
عن مجلس الحقران صدر لك قرار=حيث ان حالك ما يلايم حالته
خله لمدخلة البياض امْعَ السمار=والهرج منقوده على نقّالته
واعرض عن اللي ما لهم بالطيب كار=والعيب والمنقود هم جمَّالته
يا شايبي جعلك عن الزلة مجار=قم واترك المجلس وكب حثالته
انته يمين وباقي المجلس يسار=في مجلس فيه السوالف فالته[/poem]


.[align=center][align=center]

شعيل

.[/align][/align]