شعر الغزل

السلام عليكم


الاخ / فهيد بن عصيدان وجه لي تهمه خطيره في احد ردوده على مشاركاتي
مفادها إني مقل في شعر الغزل

وانا اقول متابعته بحد ذاتها شرف كبير لي وبالنسبه للتهمه فوالله ماكذب في حرف واحد

على العموم هذي مجرد محاوله لاكثر ولا اقل اتمنى لها المرور بسلام

\

/

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اي بالله مقل في ( شعر الغزل ) لا تقول = هذا إذا إني ماكنسلته من الذاكره

يافهيد اثرت الكلام اللي في صدري يجول = في كلمتن عابره في كلمتن عابره

مشكلتي معادله ماعاد تقبل حلول= استصعبت فاول ايام العمر واخره

كنت احسبني ليّا عرّض على العين زول = قدام لا ينكسر لي جانب آقاشره

واثرني اللي على ماقيل طبعه خجول= لاشفت ماشفت اخذت العلم من قاصره

ولو إني اعيش جوّ الحب باربع فصول =يمديك شفت القصايد جات متقاطره

خوفي من الله نحاني يالرجال الزحول = لا قلب يشقى ولابه دمعةٍ حادره

ولاّ انا لا بغيت ادرج كلام إمعسول = واكل حلاوه بعقل الجادل النافره

عليّ من محزمي لتعيش حالة ذهول = إن كانها بالشعر وإن كانها خاطره

على سبيل المثل فكره تجول وتصول = لعلي اطلع بها من عندك بعاذره

إتصور الحب في مشهد يثير العقول= وابثها بالشعر على الهوى مباشره

من ليلة البارحه وانا زهوق وملول= ماغير الف الشريط اللي مضى لآ خره

ماكني الاّ اللذي عجز يطول وينول = من وين مالد عينه تاقف بناظره

الجادل اللي حلاها ماترك لي عدول = ثبت قواعده وارست فالبحر باخره

من زينها تستبيح وتستثير الميول = لاتلد عينك على عقلك ولا تشاوره

نظراتها جيش من اعضم جيوش المغول =لانهال جمعه على العدوان تتكاثره

وليلٍ على جيدها شرحه يطول ويطول = تكفكفه ويتمادي غيّ ومجاكره

اقرب مايلبق على وصف الحلا والقبول = اشياء متجمعه واشياء متناثره

سلمتها القلب واجتاحته عرضٍٍ وطول = ولاني بعد ماستكنت فيه متكاثره



ذا بيتها ماعليه في كلام العذول =هنا هي الناهيه هنا هي الآمره

في كل جانب من ارجائه اثاث وزلول = ماجابها اللي حصيله ( بيت مستاجره )

وحبيتها حب لو زال العمر مايزول = ولله ولا حب راع الذود لآ باعره



وجدي عليها وجود اللي فعوله فعول = يوم انكسر قام يسحب رجله العاثره



او وجد رجلٍ ماهو يسمع كلام الخبول = لاكن جت من قريب وحزت بخاطره



قولو لها مابقى للصبر قوه وحول = قبل الرجا فالمواصل ينقطع دابره


الوصل مثل الغمام اللي حموله حمول = اليا تزبّر وكبّر وانهمر ماطره
والبعد مايودع العاشق ياكود مغلول = يفّت كبده ويوكيها على صابره
كذا كذا .. لين اجيب العيد فأم الحجول = اما انسطح عقلها ولا طلعت شاعره
لاشك ماعادلي يافهيد والله ميول= قنعت وابليس لي مده وانا داحره
ويوم انعم الله عليّ واخذت بنت الاصول = لو اكتب الشعر فيها مانيب ذاكره

وختامها أقرب فديتك واستمع ويش اقول= الكلمه اللي تجيب العلم من قاصره

الحب يافهيد حب الله وحب الرسول = يسعد بها القلب في دنياه والاخره[/poem]


وسلمتو ,,