غزل غير مشفر ~~ ليل السعد ~~

[align=center]بعد اذن المشرفين


غزل غير مشفر ~~~~ ليل السعد ~~~~

في عيوني كن ضوء الشمس يزداد انكساره.......كل مالديت يم خدودها ولا نحرها

اتمنى ان تعجبكم وان تصل لذوق قراء هذا المنتدى [/align]




[poem=font="Simplified Arabic,6,black,normal,normal" bkcolor="transparent" bkimage="backgrounds/2.gif" border="groove,10,darkred" type=2 line=0 align=center use=ex num="0,black"]
زاد نور اهل الرياض بنور من جتهم زياره=يسعد ايام الرياض وياعسى الله يعمرها
يوم قالت لي خبرها قلت ياكبر البشاره=تستحق احلى بشاره يوم قالت لي خبرها
يوم قالت في صريح القول وختام العباره=مابقى الا بضعة ايام وتجي لحظة سفرها
ليل ياليل السعد والمنتظر هان انتظاره=عوضه ربي عن طوال الليال اللي سهرها
جتله اللي في ربيع الحب بترد اعتباره=لين ينسى ذكرياته ويتألم لا ذكرها
الحياه بعيد عنها كانت احزان ومراره=والحياه بقربها صورتها باحلى صورها
تمتنع نفسي عن الترفات وانواع الأثاره=كل ماتطري علي انفاسها ولا ثغرها
في عيوني كن ضوء الشمس يزداد انكساره=كل مالديت يم خدودها ولا نحرها
في حلاها تستريح العين وتزيد الحراره=لهفة المشتاق مدري هد حيله لا نظرها
تختلط عندي مفاهيم البداوه والحضاره=يوم يبدو لي غروب الشمس في فلة شعرها
انجذب للون الابيض خص لو زاد احمراره=وانجذب للون الاسود لا نظرته في حورها
تمتلكني بالدلع في ذوق واسلوب ومهاره=لين اكذب منطق اللي ينسب القمرا لقمرها
تجتول في جوف قلبي من يمينه لا يساره=العروق تحبها والقلب بالشوق يغمرها
قالت اكتب لي قصيده في تغناج وشطاره=قلت يفداك القصيد وصاحبه والخافي ارها
دام صرنا في هوانا مستشاره ومستشاره=والمحبه جنة العشاق نقطف من ثمرها
مستريح ولا حسبت حساب ربح ولا خساره=من تجيله شيخة الترفات مادور جبرها
احمد الله كل يوم يشعشع الصبح بنهاره=يوم لبسها الجمال وجابها لي وصخرها
والغزل ماينتشفر دام شرع الله شعاره=والشريعه واضحه للناس والكل يخبرها
عن دروب العابثين القلب متعدل مساره=والمحبه ياعسى ربي يعديني خطرها[/poem]


[align=center]اخوكم / زياد زيد البقمي[/align]