ياقوقلبي كيف وسدتها اللحد 00ومن عقبها خليتهم يدفنونها المرثية الثالثة

اليكم هذة المتواضعة وهي القصيده الثالثه التى ارثي فيها والدتي رحمها الله راجيا منكم الدعاء لها ولسائر المسلمين




[poem=font="Arial,5,,normal,normal" bkcolor="" bkimage="" border="double,1," type=2 line=0 align=center use=ex num="0,"]راحت عن الدنيا وقفـت ظعونهـا=ولاني بعارف كيف بعيش دونهـا
سبعة شهورن حرق الشوق ظامري=حتى شكت من دمع عيني جفونهـا
معقول مهما صار مـاراح نلتقـي=الا بيومـن شابحاتـن عيونـهـا
لاهيـب لايمـي ولانـي بيمـهـا=يوم الخلايق لاهيه فـي شئونهـا
كاني على هالحال بالشوق والولـه=فديتهـا روحـي قبـل يسألونهـا
سألت رب الكون يخلـي سبيلهـا=وانـا اتحمـل ماوراهـا ودونهـا
هذا وانا عنـدي احساسـن بأنهـا=في جنة الفردوس بأعـلا ركونهـا
من يوم شفت النور غاشي جبينها=ملامحن يغني عن القـول لونهـا
اقسم قسم يا وجهها كنـه القمـر=شهادتن منـي لأجـل يذكرونهـا
للي نشـد عنهـا وللـي تعزهـم=واحبابها اللي كل عيـدن يجونهـا
يمكن تساعدهم على الصبر والعزا=لاجيب طاريها مع اللـي يبونهـا
يا قو قلبي كيف وسدتهـا اللحـد=ومن عقبهـا خليتهـم يدفنونهـا
مات الحنان اللي ليا ضاق خاطري=نساني الدنيـا وباقـي شجونهـا
خسرت راس المال كله ومكسبـي=وكثرت على روح المعنـا ديونهـا
كلن يبا يسـلا وتبـرى مواجعـه=ياكـود نفسـن ماتعـدد طعونهـا
البيت والصاله مـع غرفتـن لهـا=وحديقتن تبكي عليهـا غصونهـا
واشيا كثيره وين مااروح والتجـي=القا بهـا ذكـرى تـردد إلحونهـا
مالي سوى المعبود يرأف بحالهـا=له رحمتن كل البشـر يرتجونهـا
يغفر لها ما قد سلف من ذنوبهـا=ويلطف بهـا ولا يخيـب ظنونهـا
وانه يساعدني ويصخـف لحالتـي=من يوم ماراحت وقفـت ظعونهـا
[/poem]