مسـودّة الجـوال ،

السلام عليكم ورحمة الله وبركاتة

للتواصل :-



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يقولون قول اللي تقوله وانا بقول = ترى سرقة الرجال ،، عيب ٍ على الرجال

لو ان السنين تزول واهل القصيد تزول = قصيد ٍ يرجّح كفة الشعر .. ماينزال

ياراع الضمير المنقلب والعيون الحول = يا سبحان ربك . كيف صال الزمان وجال

بسرعه نسيت إعجابك ومدحك المدبول ! = وعرفٍ تفاخر به لا جا للقصيد إجدال

مشت الأوله والثانيه والعذر مقبول = وفالثالثه حبر القلم لا شعوري سال

وانا الحمد للّي عزني ماني بمجهول = ووجهي طويلٍ للرجال ويديّ طوال

على الهون .. وعقول العرب تقبل المعقول = ولا كل زلة .. راح تدمح قدر واجلال

تفتل طرف شاربك ، لو ماهو بـ مفتول = ولا اشوفك بناقض ولا اشوفك بفتال

إنطوّلك معنا ، وانت منت بكفو للطول ، = لو ان العلاقه معك طيّب وكيف الحال

وانا اعاتب العاقل ولا اعاتب المهبول = في وقت ٍ مهابيله ، غدا نصفهم عقـّال

وبكره سواليفك .. تبي تاصل المسؤول = وبعض العلوم تشاف لكن ماتنقال

واذا مالقينا .. للمشاكل معاك حلول = ترى كل عقده .. لو تعقـّد لها ، حلال

لو انك صغير وخبرتك عام ، والا حول = تبين الحقيقه ، لكن بمختلف الاحوال

تحب الحكي ممرور ، ولا الحكي معسول = ، بضاعتك ماتنسام .. بجنيه ولا ريال

ولا صرت منت بكاتب ٍ تحتها ( منقول ) = نصيحة تخليها بمسودّة .. الجوال[/poem]