من أوائل ماكتبت مع صورة تراثية لا أحد يضحك على ماضينا

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


كفّ عذلك وهيّد ؛ يا " سعيد " = ماورى كثر عذلك مصلحة
وأنت تبدا بعذلك ثم تعيد = توجزه ثم ترجع تشرحه
عاذل القلب ؛ خُذ ؛ قول أكيد = : أنت عذلك لمثلي يجرحه
حاول تقول له ؛ شي مفيد = حاول تقول ؛ شي يفرحه
أنت تعذل وجرحه في مزيد = كل عذل تقوله يمسحه
كل يوم وله جرح جديد = لين صارت ضلوعه " مشرحة "
صار ينزف ورى قدر الوريد = بين عزمه وبينه مذبحة
فاقد له من الغالين " غيد " = قبل يبدي كلامه تلمحه
يستحي من وصايفها القصيد = هازل الشعر ؛ فيها تصلحه
كنّها ظبية ؛ تجفل بعيد = قانص " الصيد " ماهي مربحه
كل قلب لو إنّه من " حديد " = رمشها لا نظر له يفتحه
غابت العام يوم الناس عيد = وعاد ماهي معه .. كيف أفرحه؟!
لا تحايل بمثلي ؛ يا " سعيد " = عذل مثلي خطير يفضحه
[/poem]


ـــــــــــــــــــــــــــــــــــــــــ
كتبت هذه القصيدة في مطلع العام 1986 وسبقها قصائد أخرى
ولكن بعد ذلك حسب الذاكرة لم أكتب إلا ثلاث قصائد أو أربع
حتى العام 1996 عاودت الكتابة على أستحياء مثل ما يقال
وحينما كتبت القصيدة والصورة خير دليل لم أتجاوز العام السادس عشر
أمل أن تعذروا هفواتها ولكنها شيء من الماضي لها ذكراها التي لن تبرح الذاكرة
ويكفي ذلك ذكر سعيد رحم الله سعيدا رحمة واسعة وأمل من الأخوة الكرام الدعاء لسعيد بالرحمة

الله يرحمه ويرحم اموات المسلمين


والله يحييك باللي تجيبه يامحمد

ودي وتقديري

أخوك

الله يرحمه ويغفرله


مجيد في ماضيك وحاضرك وتكتب بإحساس عالي

وصح لسانك وسلمت

غيمار

:

الله يرحمه ويغفر له ويسكنه فسيح جناته
أخي الكريم محمد السالم
صح لسانك ولاهنت للأمانة كل ما يتعلق بـ ماضينا سواء ( قلوب / أوراق / أحداث )
له نكهة خاصة ومختلفة كحال القصيدة تماماً ..
دمت بكل الخيـر ..

الله يرحمه ويسكنه فسيح جناته ..


ما احد يضحك على الماضي يالسالم




تحياتي

صح لسانك يا محمد
و أنت قابلك الله .., تقبل مروري طال عمرك

الماضي جميل بكل حالاته ،

صح لساانك ولله درك
ورحم الله سعيد

الله يغفر له
لاهنت يا محمد
وصح لسانك يا قدير

الله يرحمه ويغفر له ويسكنه فسيح جناته
صح لسانك يا محمد السالم
ودي