هذا فراق وحل بيني وبينك

السلام عليكم ورحمة الله وبركاته

تعبير عن هذه الصورة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذا فراق وحل بيني وبينك = لا تسأليني ليه يابنت الأجواد
حظوظنا ما تجتمع شوف عينك = من يجمع الحظين اذا كانو بعاد
عيا البخت لا عاد تتعب يدينك = ياكثر ما حاولت لكنّ ما فاد
مكتوب أعيش العمر وأذكر سنينك = وآحن لك وأشتاق في كل ميعاد
أشتاق لعيونك وطلّة جبينك = وأفكاري تسافر من بلاد لبلاد
أهيم في عالمك واصبح رهينك = رهين ومحرّم علي لقمة الزاد
يا ما حلمت تكون من راحتينك = ويا ما تمنيتك للأفراح ميلاد
وياما حلمت أكون فارس حنينك = ويا ما ويا ما لكن الوقت ما جاد
الله يعين القلب والله يعينك = والله يعين اللي يبا يعيش نشّاد
بنشد عن أخبارك وأبا أقول وينك = وأطلب من الله صوبك الحظ ينقاد[/poem]