يارجل شومي

السلام عليكم ورحمة الله وبركاته

أسعد الله أوقاتكم بكل ود ومحبه

أبيات من باب التواصل

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عن الوطى وجالسة كل هراج=يارجل شومي لانويت المداجي
بأسلى وأوسع خاطري بالتفراج=عن مايسبب ضيقتي وإنزعاجي
كني ليا منه إنقطع بث الأبراج=مبشرٍ بالغيث عقب العجاجي
للنفس طاقتها وللدرب مسهاج=وللطرس حظٍ من جديد النتاجي
قصايدٍ ماهي حبيسات الأدراج=هوجاسها له فالضمير إندماجي
ألقابها من مدخل الضيق مخراج=لاجا بتالية الدروب إنعواجي
قفلت باب مجاملاتي بمزلاج=وماعدت أبين للوجيه إبتهاجي
أقبلت لكفوف المواصيل محتاج=وأقفيت لاميس ولانيب راجي
وإلا أنت ياواقف على باب الإحراج=عادك بتطرق باب سحم الدواجي
البدر نوره في دجى الليل وهاج=أحرقت ياساري فتيل السراجي
بينك وبين الصدق مسرى ومعراج=قبل تتقى بالذرى والمحاجي
الحق ما يخفيه تمثيل وإخراج=نجيت ومن الله منته بناجي
اسجد على قاع الندم وإطلب وناج=ربك وقل يالله عليك الخراجي
[/poem]

وسلامتكم