أهل شقراء

في مهرجان شقراء هذا العام 1431 هـ



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سرّيت قافي من بدع راسي وانا شاعر حكيم=ماسوق قاف الا وله وجهه وعندي به علوم
اعذب من الماطرهلل وبلطف نفحات النسيم=وعن كل هفوات ٍ تخل بحشمة الشعر محشوم
كن القصيده في مخيلتي نشت منشاة غيم=وقريحتي تقول للهاجس تريّح ومخدوم
اجوب في بحر المعاني قمة اللذه واهيم=غلا .. ولو ماحب شقراء ماتعنا بالقدوم
سلام يادار ٍ حضاراته من العهد القديم=لبست حلي ٍ من حضارتها على ثوب السلوم
سرعة تطورها خيالي فالبلاد ..إلا عظيم=ماكنها إلا بدلت في لبسها البايد هدوم
خطوه بخطوه في تقدمها على النهج القويم=ومواكبة عصر الحضاره كل يوم ٍ بعد يوم
خلقت فيها وحب اهلها في وسط قلبي مقيم=في وسّطها ولا ضواحيها لي اصحاب ٍ وقوم
هذا ولو كان الخطا وارد ولو ماني غشيم=وبيت ٍ مايوفي حق اهل شقراء لو ابنيه مهدوم
والعذر منكم ياهل شقراء والعفو طبع الكريم=وانتم كرام ولو حصل تقصير مافيه معصوم
[/poem]