اذنبت في رجّال .. ؟؟

بسم الله الرحمن الرحيم


محبي المرقاب / كل عام وانتم بخير



قديمه تجدد التواصل



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] جذب فكري الشرّد وغنيت لي موال = وركب عجزي الاول على انّه ولكنّه
عسرني بعد غنيت واثنيت له بالحال = وجريت صوتي فوق قوس ً على شنّه
اجاوب عليه الورق من مضرب الامثال = لو ان الحمام الورق مااسمع غناهنّه
عقب مالت الفيه وغصن المحبه مال = نفضت الغبار عن العيون وعمسهنّه
يامجمول ذكيت الوصال وفراقك طال = قتلت الوصل واسرفت يامخطي السنّه
ترى سنّة العشاق فيها الفراق إذلال = وكم من جريحً بيض الايام هاننّه
تعلمت معك الصبر واذنبت فالاقذال = وشكيتك عليك وخيب القلب بك ظنه
تحمّلت منك الهجر وازريت فالعذال = وانا ادري ان هرج الناس مايدخل الجنّه
هذا حالي من الهجر ناحل ودمعي سال = وسهير النجوم اليا اقبل الفجر خلنّه
ترفق تراك اذنبت في واحد ً رجّال = عزومه على درب الطويلات ودنّه
غدت به دروب الحب وابطى يسج البال = وغدر به فواده والمقادير خاننّه
شكى البعد لو انّه منوّل مايشكي الحال = على شان غروّ دونه البرد والكنّه
اجر اللحون ان مال ظلي وضلعي مال = ولا لي سوى طرق اللحون و100 ونّه[/poem]


وسلامتكم