ليه القطاعه وحبل الوصل مبتوت ؟

[align=center]السلام عليكم ورحمة الله
ابيات للتواصل تتمنى القبول والعذر على القصور .[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الصاحب اللي نساني نسيه الموت =في ذمتي ذمه إني مانسيته
لو للهوى محكمه ماهوب مبخوت=مخطي ومبطي ويمديني شكيته
وأنا معي بيّنه بالحق وثبوت= إنّه خذآ القلب مني ماعطيته
خذاه حيّ ورده وسط تابوت =عليه رسمه وسكينه فديته
مذبوح وانا بليّا قلب باموت =وإن مت .. مايشعبه لوّه وليته
الصوت ماينفعه لافاته الفوت= وإن قالو الناس خلك مانعيته
بالله يابو عيون سحر هاروت=برموشها والمحاجر محتويته
ومبيسم من حلاته كنْه ياقوت= على صفاة الثمان المستميته
مع وجنتينٍ كما تفاح بيروت= والوجه بدرٍ تجلى كمبليته
ليه القطاعه وحبل الوصل مبتوت ؟=طاوعت قلبك على الهجر ونويته !
همّلتني يالغضي والحب طاغوت =حاولت أقاويه لكن ماقويته
الله يبيحك وانا لو توحي الصوت = أموت واغلى الحبايب ماجفيته[/poem]


[align=center]تحيتي العطره للجميع[/align]