,,, سبع العجايب ,,,

,

,

للتواصل
وعلى قولة القايل : ( ما ابطا من جا )


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] رحتي لنجد وعاد انا خاطري فيك=للشوق من بين الحنايا هبايب
لو دمع عيني يا حياتي يخليك=جاتك عيوني كلبوها سكايب
ادري لو ان رايك معك بين اياديك=منتي برايحة ٍ ولاني بـ غايب
وأدري بك ان مافيه كفو ٍ يجاريك=شبْرك معه الاشبار راحت عطايب
إن رحتي تعودين وإن غبتي آآآجيك=ما راح منهو راح .. غير بـ سبايب
لكن لو تكبل يدينك بلاويك=بتجين لو تكثر عليك المصايب
يعني / على قولة مثل من يحاكيك :=( الشمس ما ردّت مجْيّ السحايب )
قلته وأنا قلبي يحبك و يغليك=حب ٍ يضمونه لـ سبع العجايب
يالذكريات اللي بصدري مباريك=و ضوّ اهلها كل يوم ٍ شبايب
وآآآقول يوم ادفى بها كل ما آآآبيك :=( ياليتها من عاد عند لعايب )
عينك تراعيني وعيني تراعيك=لا انتي بعايبة ٍ ولاني بـ عايب
يا عين من تكفخ وهي فوق اياديك=قدامها جول ٍ من الصيد هايب
ما فرّقوا مابين عينك و هذيك=وعيونكم من عند ربي وهايب
وأنشهد ان وهّابها قام يعطيك=إلين راحوا جنب زولك خرايب
يسقيك من فضله ولا زال يسقيك=ما ينفتن به كل ورع ٍ وشايب
أقولها لك وأنتي أصلا ً يكّفيك :=كلامك تجيبه شفاتك / روايب
مدري وش تسوين به بين اشافيك=حتى يجي مايع ورايب وذايب
يا سِعد عيني بك ولو خاطري فيك=والله يجيبك يابعد كل غايب[/poem]

وسلاااااامتكم

,