خشم الهدف

السلام عليكم ورحمة الله وبركاته
للتواصل معكم مع تقديري واحترامي للجميع

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يا من صوّب البندق على خشم الهدف=تسليمةٍ يلمع هدفها من سنى عبرودها
صوت الربابه من وفا تسليمتي ناح وعزف=واغصان ساق القافيه قام ايتمايل عودها
نفرش لها زلّ الهجينيّه ونسقيها رَزَف=والسجع يلحفها من المنكوس ثوب جدودها
لأجل القلوب المجهده راس القلم سال ونزف=واشتبّت الفكره براسي واشتعل بارودها
من قال ضلع طويق يا ساده من اوتاده زحف=بلاه ما شمّ القمم راسه وهبّة نودها
نصب ليا هاجت مزابيره بعذب الما قصف =واسقت ديار ام الكلا بالوسم مزن رعودها
حرفي على بعض الحروف السامجه حنّ وعطف =لو سامها في سوق ابو قرشين يخسر فودها
ما ينتقص قدر الرجال إلا دويني او طرف=تكرم بيوتي والمناعير الغلي ووفودها
كني على وجه الردي واللاش حذفة حيد كف=ولا كما وقع الرماح إذا زرق مبرودها
دار القيم باقي من اطلاله تماثيل وتحف=او كائنات انهك الداء العضال كبودها
الخوّة اللي في بنايدها لنا عز وشرف= نحفظ مذاهبها ونرفا للرفيق بنودها
والرفقة اللي في زغون بطانها شتر وتلف=عزالله انه ما كسا راسي نبا مولودها
كم من ولد عمٍ على حسن النوايا لي حلف=وليا سبرت اغوار نيّاته ظهر منقودها
ان جاتني عوجا تمنّى لي مخاسير وصلف =وان جاتني ذربه دعا رب الفلق لا يعودها
وان بارت ايامي تضاحك لي سنونه صفّ صفّ=وان جاد وقتي يكره ايام الزمان وجودها
لو يبست احوالي سخر مني وفي جدري حذف=وليا اثمرت جاك ايتطعم من ثمر عنقودها
الناس غير الناس منهجهم تبدل واختلف=مثل الحرابي ذي تبدل كلّ يوم جلودها
وياكم بعيدٍ ما جمعني به سوى محض الصدف=يسوى شليق ماعرفت اسرار حرب جنودها
قلبه نقي لا جاء نهار الشان والفزعه وقف=حمولته ترقى بروس القوم فوق زنودها
يشري معاميل الكرم والجود ويردّ السلف=وضح الشيم يقنا فرايدها ويرعى ذودها
نهر تزف اعذب مشاريبه حيام العيس زف=ونهر تعاقر فيه حسلان البقر وقرودها
نخل السري ما تطرح اعذوقه مساقيط الحشف=منتوجها يشهد على طيبه جنى منضودها
الفرق واضح مثل مابين ارض مكه والنجف=ناس تناظر للسما وناس تطرّ خدودها
ما دام خزنات الذهب بيدين صناع الخزف=هزلت مصانعها وقيمتها وسكّ نقودها
قد قال راع العرف والامثال والشاعر خلف=اتبع طريق اهل النوايا البيض واترك سودها
اقزامنا اطفالنا يا للاسف ياللاسف=لم تلتزم بعهودها لم تلتزم بوعودها
وتعيش يا من نصّ لي مابين ضلعانه هدف=واسلم وقل لأهل الحماقه لا تزلّ حدودها[/poem]