عيّنت لي حسني وَ زين العابدين !!!!

من الجديد .. !!
،،




[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي والعمر يمضي والسنين =ما تنومن لو تجذبك بأمالها
يوم بقساوتها ويوم نعيش لين =دنيا تقلب ما تقرّ بحالها
عينت لي حسني وزين العابدين =دارت عليهم دقها وجلالها
ومعمر القذافي اصبح بين .. بين =في نعمة ٍ كبرى وربي زالها
من زنقه بزنقه وصارت زنقتين =الوقت دار وديرته برجالها
وراع اليمن ضيع شماله واليمين =شووه .. وافنوا لحيته وسبالها
هرب بعد جاته سهوم الصاملين =واعذر بعايلته ولا وصالها
وزبن هل الطالات سقم المعتدين =وخلاّ اليمن وسهولها وجبالها
والسوري الطاغي عميل الملحدين =حامت عليه وركزت منزالها
اصبح قريب الانكسار وبعد حين =الشام لاهل الشام يضفي شالها
ومن قلهم صدام في منظر حزين =حطوه وسط المشنقه وحبالها
عقب الرخى والملْكْ والدور الثمين =والهيبه العظمى وعقب ضلالها
اليوم صاروا ضايعين ومفلسين =ماعاد للحمله جمل يشتالها
الظلم ظلم .. ودعوة المظلوم دين =وبعقاء على الظالم تجرّ عيالها
ياصاحبي خلك على الصحبه فطين =دنياك دنيا .. والرجال بفالها
لا تندرج للظلم شوف الظالمين =الناس تاخذ عبره من أمثالها
من لا مشى بالحق ماجاب السمين =والله يجاز ِ الناس حسب اعمالها
ياصاحبي هي كلبوها خطوتين =ركز على الدعوى ولا تبرالها
ماقول غير الله يعز المسلمين =وينصر هل السنه ويصلح حالها
[/poem]