(( الـجرح ))

[align=center]السلام عليكم ورحمة الله وبركاته

قصيده متواضعه ارجوا ان تحوز على رضاكم,, ولكم فائق الاحترام والتقدير[/align]



[poem=font="Simplified Arabic,4,darkblue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
انـا مجـروح جـرحٍ ياحبيـبٍ ماتعـرف الـبـوق = ورى حـدب الظلـوع وتتقـن الطعـنـه وتثنيـهـا

جريح الحب ياصاحب جريح العشق يامعشوق = علامك تجـرح الخافـق جروحـي مـن يداويهـا

علـى غلطـه تحاسبنـي وغلطاتـك علـيّ تفـوق = وهــذي زلّــه المـغـرم لــزوم انـــك تعـديـهـا

الا يانـاوي الصـده تحسـس جرحنـا المفتـوق = جريح النبضه اللي من طعونك صـرت اعانيهـا

عليك حقوق مثلي يوم انا مالي عليـك حقـوق = تحمّـل شرهتـي واهـل الحسـد لاتلتفـت فيهـا

تعاتبني على زلّه وانا اللي فـي هـواك اتـوق = على سمعـي لحـون الهجـر مـن غلطـه تغنيهـا

عليـم الخالـق البـاري احبـك ياعبيـر الـشـوق = احبـك والمحبـه معـك مــدري ويــش تاليـهـا

واحبـك عـد شاعـر للقوافـي يفتـل الـطـاروق = يحـب الشعـر وافنونـه ويطـرب فـي قوافيهـا

واحبك عد مايطلع مـن جْـذوع النخيـل عـذوق = علـى خـد الوسيعـه والتمـر بالـعـذق حاليـهـا

واحبك حب حالي صافي احلا من حليب النوق = مجاهـيـمٍ عــن الحـيـران ماتـبـعـد مفالـيـهـا

ترى حبك مـزونٍ فالصـدر ولهـا رعـد وبـروق = على روض المحاني وبلهـا والشـوق يحييهـا

تعال وقلبي العاشق سبب صدك غـدا محـروق = ظلوع الصدر فـي جوفـي تحطـم مـن مثانيهـا

غرامك في خفوقي ثـبّت جيوشه على المعلوق = تحكم في عروق النبـض واستوطـن محانيهـا

سكنت بداخل الخافق ولا غيرك سكن مخلـوق = ماغيـر انتـه وسـط قلبـي ونبضـاتـه تسليـهـا

دخيلـك لا تجافينـي وحبـك بالحشـا مـوثـوق = اقـول الـصـدق وابيـاتـي تفـسّـرهـا معانيـهـا[/poem]

[align=center]محمد مرزوق السميري[/align]