أهل البحر ياصاحبي سداح تنصاد وتصيد,,

السلام عليكم ورحمة الله وبركاته,,



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



أهل البحر ياصاحبي سداح تنصاد وتصيد=وابغى تعلمني عن اهل البر واصحاب القرى
واحمد نجادي حج في بيت الله الرب الحميد=الله يهدي من يشاء واطهر مكان أم القرى
واللي محيرني من الأعراب رجالِ بليد=الناس تمشي للأمام الاخ يمشي للورى
ومنصبِ نفسه له سنينِ على رتبة عقيد=هو يعتقد محدِ درى والظاهر انه مادرى
ياصاحبي سداح والدعوه بها علمِ وكيد=والبورصه متوقفه لابيع لامن مشترى
والغرب تصنع للمكيده والعرب مامن جديد=غير السوالف والحكي من هو وصل من هو سرى
يالله تستر من عواقب ذالزمن واللي يكيد=والشيخ ابن لادن يهدد في كلامه اشكرى
والحكمه اللي اطلقت مال الحديد الا الحديد=واصحابنا مامن حديد ورابضه خلف الذرى
باريس وميونخ وواشطن لها رايِ سديد=وانجلترا والروس بموال العرب هم خشرى
والزندقه والبهره والفاطميه وش تريد=واهل البدع صالوا وجالوا كنهم سيلِ جرى
تداعت الامم علينا والحكي ماهو يفيد=يارب تنصرنا وترحمنا ليا جينا عرى
وانصر هل التوحيد بالدنيا قبل يوم الوعيد=ياالله عسانا والصحابه والنبي حنا قصرى
في جنة الفردوس والمؤمن عن الفتنه زهيد=والمسلم الصادق من الواقع ترى حاله برى
ياصاحبي سداح علمني عن العلم الاكيد=هل ياترى وش هقوتك اكيد أو ياهل ترى[/poem]





وسلامتكم,,