الشعيبين

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياربعنا اللي تقنصون الشعيبن = غرب الوعر ومن التساهيل شرقا
مادام ما معكم ولا فرخ شاهين = مافيه داعي راعي الحر يشقا
مايلحق اللي تصفق يسار ويمين = ألاّ أسودٍ يزرق لها القاع زرقا
مثل ماقال الشاعر اللي من سنين = يلحق والى منّه رقا الخرب يرقا
أعوذبه بالله من الحسد والعين = وماكل سوقٍ لاعرض فيه يبقا
اليا قفيته كن في الوكر طيرين = واليا نطحته مابقا ألاّ يتسلقا
مافيه من بارود ياكود ثنتين = لونه وجرمه وغيرها فيه بلقا
هذاك لاجيته ولي منه يومين = كنّي يرحبّي وأنا أقول تبقا
غلاه يقسم ثومة القلب قسمين = وأركا على شريان قلبي وعرقا
في بشارة اللي يذكره سقت الالفين = على أمل يذكر ويعرف ويلقا
هاذي ثلاث سنين ضايع وشهرين = وغلاه يبقابي وأنا فيه ببقا[/poem]


معلومه : بارود فرخ شاهين كنت أملكه قبل ضياعه عند ضلع السحامي



[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جعل السحاب اللي جمع شمله النود = تخطي مراهيشه ضليع السحامي
ومايرتعنّه ياعرب خيرة الذود = أدعيك يارب السما والأنامي
الله يحرمه مثل ماضاع بارود = عقبه سمحت من الفشق والحزامي[/poem]

أرجوا من ألأخوان الشعراء اللي يمر يدعي على ضلع السحامي في بيتين تراه بحصّل أجر

ابن عيينان ..
فيه مثل يقول :
( الضلع لاطحت علاه اوجعك , ولاطاح علاك اوجعك )

مار اسمع /

تباني ادعي مار مانيب داعي

............................. ترا الجبل مهما حصل مادرا عنك



وش دخـّله فالملتقى والضياعي

.............................. مايستمع مني .. ولايستمع منك



وسلامتك وعفاك
>>> الله لايسلّم عدوّك

ارحب يابو محمد


صح الله لسانك



جزله ولاهيب غريبه.

وتراها (محجوووووووووزه لبروق)


بالنسبه لدعا كفانا عبد ربه

جعله يسلم



راشد

صح الله الساانك ولالالاهنت
كل التقدير اخيك



العجمـــ بــــدر ــــي....@@

الله لايقبل منك ))
مرحبا ياشايبنا وشلوونك انت عساك طيب