محاورة الأربع مئة متر

بسم الله الرحمن الرحيم

السلام عليكم ورحمة الله وبركاته وبعد

هناك لعبه في ألعاب القوى تسمى (قاهرة الرجال)
وهي مسافة الأربع مئة متر لأنك إذا إنطلقت في
البدايه بكل سرعتك ستنهك وتنهار قبل الوصول
الى النهايه وإن تراخيت سبقك الخصم .
فإليكم محاورة الأربع مئة متر حواجز
بين

العصيمي.....و......السناني

_________________
___________
______


[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
السناني

ألا يامرحبا حياكم الله عند بن عواد = تحية والكرم والجود فأولهاوفآخرها

أبوتركي يقول أنه معلق في الذلول شداد = يقول هوايته والناس مايدرى مشاعرها

مستور

يدوم إلك البقا ياللي ترحب والعلوم جداد = وأنا ماأخص الي ناسٍ عديماتٍ بصايرها

توكلنا على الله يامحمد وإعرف الميعاد = نبي ننفض غصون السدر وطيورك نطيرها

السناني

أنا ماأمر فالبصره ولا مريت في بغداد = وأبو تركي ثلاث سنين إله عازه يدورها

وعد كم في شهرعاشور ولا في رجب وجماد = لكن أبعد عن الشيخان لاتلمس مناخرها

مستور

أنا ماني بغاوي الدرب في المصدار والميراد = ليا مني بغيت علوم أوردها وأصدرها

أنا بيني وبين أصحابنا فالشام ملح وزاد = وصحبتنا قديمه جعل ربي مايغيرها

السناني

تقول إنك تبي الفزعه وفي رأسك ظفر وعناد = وأقول إحسب حسابك والرصاصه لاتثورها

ليا منك وصلت الشام وش مجدك من الأمجاد = تبي تنبيك صبرى كم شهيدٍ في مقابرها

مستور

أبيك تعدها ياصاحبي بالجوز والأفراد = تفرج فالبحور اللي مرسيتٍ بوابرها

ليامنك وصلت الشيخ علم الشيخ ماينعاد = تعلم من طبوع المسلمين ولا تكفرها

السناني

فداكم شلفى بن غانم فداك حصان بن شداد = أشوفك مجتهد والناس ضايقتن خواطرها

ليامنك وصلت الشيخ ماتسلم من الحساد = ولكن الشيوخ إسمك معلم في دفاترها

مستور

تبي تغزي بسيف ورمح ياصاحب ثمود وعاد = وقدامك مهماتٍ على رأسك نفجرها

ترى نص العرب مايعرف الهجري من الميلاد = لياصغرت يكبرها ولن كبرت يصغرها

السناني

تقول إنك تبي تصل القمر وتعانق الرواد = ولكنك وقعت بحفرتٍ بيديك حافرها

ترى العطشان إله رجوى من البراق والرعاد = وطيبه طيبه ماكدر الله وجه زايرها

مستور

عساها يامحمد روحتٍ ماعقبها معواد = توسط وإبذل المجهود لين الله يدبرها

أنا أعرف الذلول اللي بدون خطام ماتنقاد = أدور لرجال اللي تشاورني وأشاورها

السناني

أنا ماقلت إلك تختار إلك غيرالبلاد بلاد = دروب الخير لآهلحين ماجفت مصادرها

((----------------------------- = --------------------------------------))

مستور

محمد يامحمد لاتصيد وأنت المنصاد = تراها ماتسكر يالسناني لوتسكرها

أنا لاجيت في موضوع ماينقدني النقاد = أطيبها بدهن العود ومن العطر أعطرها

السناني

تراهايالعصيمي كل ليل يدبل العداد = ولكن الجريمه يالعصيمي لا تكررها

بغيت تنجح الموضوع في ساعه ولا الله راد = ولكن القناة اللي تبث الشر شفرها

مستور

تحاول ماتحاول مير أنا لا زملك المرصاد = عيون أهل الهوى لأجل الهوى هلت عبايرها

ألا ياليتهم ماركبوا لأم الفتيل زناد = منول ماتثور إلا من البارود نذخرها

السناني

أحد كيف على الدله وأحد كيف على البراد = وأحد يبغى السجاره كل ماصنف يعمرها

توقع يالعصيمي ليلة مابعدها مرقاد = توقع لدمي الحاميات يفور فايرها

مستور

نبي ناصل ونرقى للمعالي والسيوف حداد = ليال الخير لأهل الخير بينتٍ بشايرها

أنا خابرك طيب يامحمد من رجال أجواد = لكن اليوم فيك الناس ضايعتٍ فكايرها

السناني

تبي ترقى لكنك ماأنت واصل لؤلؤ العقاد = تنا هبك الأ وادم بين صادقها وبايرها[/poem]

وللجميع تحياتي

إختيار/ضيف الله الحارثي

أنــا لاجـيـت فــي مـوضـوع ماينـقـدنـي الـنـقـاد
أطيبـهـا بـدهـن الـعـود ومــن العـطـر أعـطـرهـا

الله الله الله لاهنت وبيض الله وجهك
محاوره من العيار الثقيل وعقدها لولو ومرجان

محاوره من الوزن الثقيل


واختيار موفق



لاهان ضيف الله على الاختيار الجزل


ولاهنت على ايرادها يافرحان


تحيتي

تبي ترقى لكنك ماأنت واصل لؤلؤ العقاد
تنا هبك الأ وادم بين صادقها وبايرها

الله عليك يافرحان الحرش على هالنقل

تحيتي لك

مبارك ابن عيينان

!

محمد صالح العتيبي

!

سعود النفيعي


شكرا لمروركم على المشاركه