فرخن خذت فالجو طبع خلويه....صوت وصوره

السلام عليكم ورحمة الله وبركاته


هذي شاهين تونا شارينها جبليه نادره خمستعش ونص في خمستعش ونص تك من طرح طريف
اعرظ لكم صورها وماكتبت فيها واذكرو الله يالربع واللي له خاطر يسوم لايرده الا الايميل


صلو على النبي



[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فرخن خذت فالجو طبع خلويه=صفرن صوايدها وفي ظهرها مسوح
لاهيب تركيه ولامجيرميه=مجيوبه امن طريف من كف طاروح
الراس كنه لااطلعت راس حيه=والعين كنها فوق جمر الغظى تفوح
الوجه يقدح غير شره حميه=اتشوف فيه الخرب مذبوح مذبوح
والثندوه غير الجباره قويه=فيها من وحوش الخلا عدة جروح
والسابعه ماطابقتها يديه=مثلثن مقلوب في داخله رووووح
والروز روز او وسرتن عالميه=عذاب من كوبر وجنحانه تلوح
الا عذاب الطايره والذكيه=اللي ان طرح منها الحر مسموح
كنيبها بشهرين قبل الظحيه=وسهيل من صوب اليمن نوره يلوح
مع الحرار امواسها مستويه=لاتقولي نايف ولاتقول ممدوح
لافرطو فالقيظ عقب ظحويه=ماطار في يدها ولايمكن يروح
واللي قنا يااهل القنص فارسيه =من عقبها ماله مع الحر مصلوح[/POEM]



وسلامتكم جميعا




















واسلمو وسلمو



تحياتي



اخوكم
خالد السويكت