( شخوص الانذال ) ( الشرح )

[frame="7 80"]بسم اللّه الرحمّن الرَحيم

اخواني واخواتي الاعضاء ...

السّلام عليّكم ورَحمة اللّه وبَركاتَه

من خلال هذا الصرح العظيم بكل مايحتويه ..

والذي ضم النخبه الفاخره من الشعراء من المحيط الا الخليج ..

اقدم لكم هذي القصيده التي اعجبتني واختص فيها مرقاب السديري ، لما فيه من قصايد مليئه بالحكمه وتجارب الحياه ..
وهذي القصيده لشاعرها ( الشرح ) الذي تميّز في القصايد الفاخره ، ولن اطيل عليكم واترككم مع القصيده ..

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياسعود ناولني من البّن فنجال = كيفٍ علي كيفك يطيّر عماسي
من دلةٍ صفرا مسواه بالحال= بالزعفران وهيلها بالقياسي
وعدّه علي اللي ينقل الحمل لامال = قاسي ليا منه قسى كل قاسي
ومن عقبها دن القلم بكتب امثال = من هاجسي يومه تهيّض احساسي
ابيات حاميها عن القيل والقال = ابيات من فكري ماهيب بقتباسي
باعبر اللي ماطرالي علي البال = لادق هاجوسي يطير النعاسي
في المجتمع تغيّرت بعض الاحوال = وضعٍ غريبٍ صار فيه التباسي
بعض البشر كشخه ورزّه وحيّال =يعجبك لامنه كشخ في اللباسي
هميلقٍ يمشي علي كل موّال = متطبعٍ في درب ناسٍ خساسي
والبعض الآخر شغلته جمع الاموال = ضعاف النفوس اللي تحب اللحاسي
رفقة مصالح مالها اول ولا تال = ناسٍ تقدس ناس لاجل الكراسي
وحذراك لاتغتّر في بعض الازوال = وان الذهب مايستوي والنحاسي
واستثني الطيّب واخليه بالحال = قدره علي عيني ومتني وراسي
اللي ليا من صكّ جالٍ علي جال = يرسي كما ترسي الجبال الرواسي
ومن يبذل المعروف في (شخوص الانذال )= مثل الذي يزرع بقاعٍ يباسي [/poem]
وسلامتكم

واتمني اني وفقت في ايصالها الا ذائقتكم الشعريه ..


وتقبلوو فائق احترامي وتقديري ..[/frame]

ابن خضير


عوايدك ما تجيب الا كل مميز وفاخر لا عدمناك
بارك الله فيك وجعلك سالم يا السناافي



كل التقدير اخيك




العجمــ بــــدر ــي...@@

ابو ناصر ارحب ارحب ..

ولاانت يابو ناصر والفاخر مانجيبه الا للفاخر طال عمرك ..
وعساك سالم وغانم يااخوي يابدر ..

تقبل تحياتي يابو ناصر وتقديري ..

قصيده فاخره وساميه

بس لو تعطينا نبذه عن شاعرها .. لتكتمل الفائده لنا

خالد .. لك تقدير خااص

يامرحبا يامرحبا

اخوي ناصر تراحيب السامي والفاخر مرورك وتعطيرك المتصفح ..

اما بالنسبه لشاعرها انشاءالله عن قريب راح اعطيكم نبذه عنه وعن الاسباب اللي خلته يكتب تحت اسم مستعار ..

تقبل تحياتي وتقديري ..

ياسلام ياسلام ياسلام على هالقصيدة ياخالد بن خضير

سلمت وسلم راسك على النقل يابعدي

سـلامي عليكـ ...

.
.



لاهنت يابومحمد

ونص أكثر من رائع

الف شكر



.
.

الله الله

صح الله لسان الشرح الشاعر الكبير

والقصيده خذيتها عشان انزلها عندي بالبيداء


ويا ليت ما تنسانا هات قصايده فديت خشمك يا ابو محمد