تكفوون يالعيال وصلوها

#1 20-12-2002, 05:20 PM

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته

ومساكم الله بالخير

واسمحوا لي على هالكيبورديه وادمحوا زلاتي

مثل هالقصيده اعتقد مافيه مجال للنقد ..

لانها مناجاة عبر بها الشعور اكثر منها نص ادبي

وصلني من احد الاخوان قبل قليل رساله فيها

قصيده لا احد الاخوان الغاليين ويسال عن سبب

غيابي في احد المنتديات.. لعدم معرفته بانني موقوف

سطرت هذه الكيبورديه للاخ/ محمد بن جديّد (السلسبيل) صاحب القصيده

للاخ/ محمد العتيبي ( جارا القصيده في تعليقه عليها)0

الصراحه انهم كدروا علي وليس بسوالهم

ولكن لعدم قدرتي بإجابتهم باسباب التوقيف

وتمنيت ان احد افادهم عن غيابي.. والشرهه

تلحق رجالٍ واجد اللي يشوفونهم يسالون ولا اجابوهم 00

نظام المنتدى!!! للجحيم اي نظام يمنعني

او يقصر في واجبي كزميل او كرجل0

لذلك جأت هذه الكيبورديه. . واول الغيث قطره
[/poet]

[poet font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,royalblue" filter=" dropshadow(color=white,offx=1,offy=1) shadow(color=gray,direction=135)"]

ياملحقين الفكر هومه وهمهام=لاتلحقون النفس حد الهضيمه

اقراء تناجيكم وكسرت الاقلام=بعض المناجا صار مثل الظليمه

ويامنزلٍ سورة تبارك والانعام=ياللي تعرف النيه المستقيمه

ياللي تسوق الحق من بين الاخصام= وتخلص عدل بين الخصيم وخصيمه

ولاتاخذ ابن ادم على سود الاوهام= اللي مصادرها النفوس اللئيمه

ارفع مقامي عن ملاغاة الاصنام=وعن واحدٍ في دبرة انثاً عقيمه

دايم وهو عن كلمة الطيب صوام=والحقد يبني عش داخل صميمه

ومادام ينشد عني القرم مادام= يفداه من ذكراه صارت عديمه
[/poet]

وسلامــتــكم,,,

واسمحوا لي على القصوور معكم ومع القصيده.

واملي في اي واحد من الاخوان اللي شافوا قصيدة ابن جديّد

انهم يوصلون له رابط هذه القصيده بالخاص او بالماسنجر ويسلمون لي عليه

كثير السلام ويعتذرون لي منه00

20-12-2002, 05:46 PM

ابشر يابو عبيد رسالتك بوصلها يالذيب

لا تشيل هم

وصح لسانك على الابيات

تحياتي وتقديري,,,

20-12-2002, 05:50 PM

السلام عليكم

الاخ الغالى عكاشه الشاعر الرائعه والمبدع دائما

صح السانك ولاهنت على القصيده الجزله

ومايجي منك اقصوور يالسناافي

تقبل تحياتي

اخوك خالد بن سكران

20-12-2002, 06:22 PM

مشعل العتيبي

صح بدنك وكفوو يامشعل

ولاهنت

**********************************

خالد بن سكران

مشكووور وصح بدنك يالغالي

============================

ارجو الاطلاع من الاخوان وعدم التعليق 00 الغرض انها تاصل الرجال وماقصر مشعل العتيبي

لاهنتوووا جميعاا

تحياتي لكم

20-12-2002, 06:23 PM

عكاشه
*******

سيف السيف ..

سيف الشعر..

.
.

لهذا الإسم رنين .. في ذاكرة الشعر .. لن يخفت أبدا ..

لذا .. و لإن لم يتسوي النص على نار الشعر الهادئه .. و لإن كان من القريحة للكيبورد ..
إلا أن محور إختلافه.. و بطاقة مروره لمنطقة الإبداع المحظوره .. هو هذا السيف ..
.
.

و مادام ينشد عنـي القـرم مـادام
يفداه من ذكـراه صـارت عديمـه

.
.
هنا .. بيت القصيد ..

تحياتي ،،

العنقاء

21-12-2002, 11:33 PM

الاخت العنقاء

هلابك وصح بدنك

ومشكوره على شعورك النبيل

ومشكوره على ماتفضلتي به

تحياتي لك

ملحوظه/ الرساله وصلها مشعل عساني والله ما اذوق حزنه

وهذا اللي كان مقصود من الموضوع... وانتم والله تستاهلون اكثر واجزل والاخوان اللي لهم الرساله ايضا حقهم علي ماهوب هذا لكن العذر والسموحه

والجايه انشالله تكون بمستوى تطلعاتكم

تحياتي للجميع وعلى المحبه والخير نلتقي