شيمة المودماني !!

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قم هندس المحراف يا هاجسي قمّ = خابرك تسبق فاللزوم الثواني
فزعتك تسبق فزعة : الخال والعمّ = ما عمر صابك فالنوايب تواني
تكحل وتعمي عين من .. يطحن السمّ = لا راحت الدعوى : عيانٍ بياني
‪ تكويه بالميسم على الخدّ الاسحمّ = كيّة عطب للكل شاهد عياني‬
ازهمك وانته للقصيد متولمّ = تبحر على فلْك الطرب والمعاني
ما تقرب الجدول .. ولا تقرب اليمّ = لك فالمحيط الاطلسي : شي ثاني
تكسب رضا الجمهور : فالكيف والكمّ = شعرك كرامة .. والذوايق صواني
عجّل تراني ضايق .. وفاير الدمّ = ضيقة خطير تفجّ حدب المحاني
اشكي سبايبها على .. فارج الهمّ = ما اشكي على العربان : قاصي وداني
امبدّل الاحوال فـ : اليسر والغمّ = ياما خذا منّي .. وياما عطاني
ولّى العرب تبحث عن : اللوم والذمّ = دايم على الهفوة تزفّ التهاني
تطرد ورى الغيبة .. وتطرد ورى النّمّ = لكنّ والله ما تزعزع كياني
ما عاد باقي في وجيه البشر دمّ = من يوم ماتت : (شيمة المودماني)
وراحت حياته بين : (كمّ تدفع) وكمّ = كشف الرصيد .. وحدّك الائتماني
و(الزم لي واقطع لك) ولو ما معك فمّ = بينه وبين اهل المصالح تفاني
ماعنده الا : ابشر على آمرك وسمّ = وعش في كنف غيرك .. ترى العمر فاني
عساه فدوة من تربّى على تمّ = لا جنّب .. العنصول والقلّباني
رجلٍ كفو بمزارق الطيب مهتمّ = عنده جميع الناس : ربع وعواني
يحفظ سلوم الطيب ويصمّها صمّ = خصلة حميدة في عريب المجاني
اكنّ له حبّي .. وتقديري الجمّ = محبة لله نطقها لساني

[/poem]

سلمان بن مزيبن

عجّل ترانـي ضايـق .. وفايـر الـدمّ
ضيقـة خطيـر تفـجّ حـدب المحانـي
اشكي سبايبهـا علـى .. فـارج الهـمّ
ما اشكي على العربان : قاصـي ودانـي

سبحانه

رجـلٍ كفـو بمـزارق الطيـب مهـتـمّ
عنده جميـع النـاس : ربـع وعوانـي
يحفـظ سلـوم الطيـب ويصمّهـا صـمّ
خصلـة حميـدة فـي عريـب المجانـي
اكـنّ لـه حبّـي .. وتقديـري الـجـمّ
مـحـبـة لله نطـقـهـا لـسـانــي

صح لسانك
ولاهنت على هـ النص الفاخر

تقديري,’’

صح لسانك

نص جزل من جزل

لاهنت

مبدع