سعدان وبن بلال شعر بنكهة الهيل

السلام عليكم ورحمة الله

اليوم جايب لكم معي هدايا عشان ماتهاوشوني على الغياب الطويل عن الكتابه



ادري ان


الشعر المنقول ليس هنا بالشعبي ولكنني سوف اخالف الانظمة واضعها هنا


صوت وصدى للشاعرين سعدان بن عابس الرشيدي وعلي بن بلال شاعر يام وهما معروفين
بالساحة فقط اقروهما بتاني

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يالله يالله ياللي مالنا غير انت معبود=سبحانك انت العظيم اللي عليك الاعتمادي
يامالك امر الوجود الخلق تفنا وانت موجود=باقي وتعلم خفايا الكون واسرار العبادي
يارب اسالك رضاك ولامدى حسناك محدود=اخشاك وارجيك تهديني على درب الرشادي
مومن وفيك استعين الى لحقني هم والهود=مولاي رحماك ياعلام ماكنه فوادي
قمت اتفكر وادير الفكر والتفكير مشدود=محتار يزعجني الممشا ويزعجني قعادي
مترددٍ كني ابحث بالزمن عن شي مفقود= مدري على أي اتجاه اسير وجروحي جدادي
استدرج الفكر ذعذاع القصيد وهبة النود=نفح المشاعربنود الشعر عطر كل وادي
خيل بفكري خيال الشعر كله برق ورعود=وانقاد من هاجسي منشاه ياليل الهجادي
يتعبني الشعر واتعب له ومثلي عنه منشود=في وقت قل اعتبار الشعر من كثر الدوادي
في وسط سوق المزاد ونوب معنى النقص والزود=كم سبب الهذر عسر الهضم حتى بالروادي
لين اصبح المدح ذم ولااصبح البارود بارود=ومن لايعرف الفتيله ماعرف ويش الزنادي
مدح الردي ضعف نفس ولاالردي بالطيب مشهود=وارض الصبخ من حرثها خسر حرثه مااستفادي
هذا وانا لي هدف واضح ولي هقوه ومقصود=معني ومعناي رمز العز والعلم الوكادي
اعن جزل المدايح في شجاع ينطح الكود=والمدح له منطقٍ عادي لكنه غير عادي
سلام ياخصلة العز القديم ومنبر الجود=وجه المروه وميزان الادب راع الشدادي
ياراس من روس يام اللي لهم تاريخ وعهود=تاريخ كتبت سطوره بالرماح وبالهنادي
وعهود ماخامرة للبوق طول البيض والسود=الا ان فيها بياض الصدق عن سبر السوادي
ياعلي واسمك وسام الشعر معروف ومعدود=ياحافظ له بياض الوحه في بيض المبادي
تستاهل المدح يابن بلال لك مثني ومردود=عليك والشعر لامني شديته فيك شادي
قلته وانا لي شموخ وعز ماغنيت مضهود=وافخر بربعي سلايل عبس مع حضر وبوادي
اليا تفاخرت في ربعي نقا مافيه منقود= ومن لاحفظ منسبه هافي وبن غادي وغادي
الله يديمك ياابو سلطان ماطيبك بمجحود=ورثِ ورثته تجلا مثل وجه النور بادي
ماقلت بك غير فعلٍ منك مثل السيف مجرود=وثيقةٍ ختمها بالصدق عن بعض التمادي
والحمد باهل الوفا مثلك ياابو سلطان محمود=وميدانك اكبر من اللي فيك صفته باجتهادي
واقبل سلامي عدد ماهل ماهل وبل ومااخضر العود=سلام وافي بريح العود من عنبر وكادي[/POEM]

سعدان عابس الرشيدي






[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ياالله ياالله ياللي تقضي الحاجات وتجود =اسالك المغفرة والعز والهرج السدادي
يامالك الملك ياذا الكون منك العون معهود= امنت بك لااله الا انت حقق لي مرادي
البارحه كنت ساهر والملا هجاع ورقود =صار السهر للعيون احلا والذ من الرقادي
يوم استهليت عشرين وخمس من اجمل الخود=يا مطيب الرابعه والخامسه حسب اعتقادي
ما كنها الا مهار من بنات حصان صاهود=الا انها من رشيد وعبس والمجد السنادي
حورٍ مهرهن بصدري من زمان فات ملحود=رصيد شعر كما كنز الذهب ببلاد عادي
للي بعثها نبي الله سليمان ابن داؤد=ساعة كشفها بما فيها دفن ذيك البلادي
عساني اكسي جزيلات المعاني جوخ وعقود=حيث انها من نديم ينطح الواجب عمادي
بيني وبينه كما قالوا ثمان سنين ياحمود=والله نشد عن معرفه يوم والمعروف قادي
يامرحبا من هجوس شربها صافي وقرهود=ياوافي من رجال العرف خطلان الايادي
الله يحييك يا سعدان بن عابس راع الفود=ترحيب معناه للصاحب حزام الى الثنادي
حاضر بحاضر بدون محايلات ونصب ووعود=ابشر بعزك ليا حدك من الايام حادي
انا ادري انك ولد لابه لها عادات وجدود=زيزومها عنتر العبسي على سرج الجوادي
لابتك وسّامة الكفه لها تاريخ وشهود=يشهد لها الحوض ووروده على عاشر وحادي
وانا ادري ان كل صابر له امكانيات وحدود=والصبر محمود لولا الصبر ما عرف المهادي
وانا ادري ان اكثر الوافين حضه حض مقرود=في عصر جوع الكريم وشبعة الهيس الربادي
ما قصد بها كل منهوفي غنا وسهود ومهود=بعض الرجاجيل من زود الغنا بالطيب زادي
وكلا من الناس من مجناه يبداء منه ويعود=لا بدّل الله ثياب العز بثياب الزهادي
افضّل الموت من حربه ومن كيله وعبرود=ولا كما قيل تستسقي البحور من الثمادي
وان شفت مسيود مصبح سيد وامسا السيد مسيود=احس بالغيض مهما هاضني صوت المنادي
وان شفت خلة عزيز القوم من حاسد ومحسود=ادعي على بعض ناس مالهم كثر الجرادي
ياحيف ما كن مع بعض الرجال قلوب وكبود=لا ينقصون العداد ولا يزيدون العدادي
والله جعل للقصائد والرجال اسرار وسدود=معك السعد يا مبشر بالعشا قبل الهدادي
راسك ويمناك ولسانك من اعلا راس مرجود=راسي وشامخ وزبن وفيه شرب وفيه زادي
هذاك مجناك يا منصا الضيوف جموع وبدود=تنصاك من كل الاقطار القريبه والبعادي
وهذي طراة الفتى قبل الكفن والقبر والدود=الله يمهلك والا كل زرع له حصادي
واسلم ودم في نهاية واجب واضح وموكود=ومتى على الله لنا ولكم يصير الجو هادي[/POEM]
علي بن بلال

1

.
.



ياسلام ياعبيد

ماتجي الاّ محمّل بالنادرات مْن القصيد

صح الله لسانك وألسنة الشعّار




.
.

حجز طال عمرك ..


ولي عودة

اخوك ابو نايف

حامد بن عوجان

1
لابزال ساري الحجز منذو امد