تقاسيم لـ (( عبداللطيف الغامدي )) .. !!

قيس .. (( الجديد )) .. !!

قابلته وقلت له : (( سلام )) ..
ورد السلام بنفس حزينه .. صرت متعودها منه في الأسابيع الاخيره ..
قلت له بصيغة لوم حاده : ياخي (( كثرة احزانك )) بتاكل قلبك ..
قال : (( يخرب بيته )) الحب أكل قلبي ..
قلت : (( لا اله الا الله )) أنت ماراح تفضها (( سيره )) وتفكنا من سالفة الحب ..
قال : (( باليتها بيدي )) وياليت لومك (( يالايمي )) ينفع ..
ماني قادر انساها .. !!
قلت : أنا معلمك من يوم صابك (( السهم القديم )) الأول ..
وقايل لك (( عندما تبتسم المرأه )) هذي تأكد أن قلبك سيبكي ..
ودرعمت ولا همك كلامي ..
رد بحرقه وقال : لاتظلمها .. !!
قلت له : (( ياهوه )) متى بتصحي .. ياخي (( لاتدوخّني )) معك ..
تراك اتعبتني من جد ..
تدري بحط لك (( هنا زبدة الموضوع )) ..
وأنت لك الخيار في (( تحديد المصير )) لهالعلاقه اللي اكلت قلبك .. !!
وأنت تعرف اني طوال هالفتره (( ماقدرت اجرحك .. لكن )) انت بصراحه فطرّت (( اكبادنا )) ..
بأستسلامك لها (( الطاغيه )) .. ياخي (( ريح ضميرك )) وتخلص منها ..
قاطعني .. ثم صمت قليلاً وقال : (( وش كنت اقول .. ايه )) تذكرت ..
قلت : وش تذكرت .. ؟؟ قال : (( سوارة ذهبها )) واخرجها من جيبه ..
وأنا بيني وبين نفسي اقول .. هذا مافيه طب .. !!
صار يطالع السواره وقال :
كل ماشفتها أحيت في قلبي (( شعور )) (( مقتول )) من فتره طويله ..
وأذا حيا .. انسى (( الاسامي والوجيه )) ..
وأشعر ان (( الامل غيمه )) ستمطر فتسقي (( جفاف العمر )) الفائت ..
بعد أن احرقت (( نار المسافه )) (( برد الطريق )) اللي قطعته لها ..
وأستطرد قائلاً : هذا المخلوق تعلى في نظري حتى غدا (( رفيق سهيل )) في علّوه ..
وعلى لساني صار (( راعي الصيت )) الاول ..
قلت له مره معترفاً بشعوري تجاهه :
(( نظره )) منك (( يبوعين كبيره )) تهدي (( اعصار )) حرمانك لي ..
لو (( نشدت عنك )) قلبي .. جاوب لساني ..
لدرجة اني (( تالي الوقت )) (( اعتزلت الشعر ))
و(( اكتفيت )) بالشعر الذي اصيغه فيك من (( بوح الحزن )) الذي غشاني من هجرك ..
حتى غزت (( مغاتير حبك )) سواد راسي ..
(( لست ادري )) ماذا اريد منك بالضبط .. !!
هل اعشم في (( رد العطايا )) .. ؟؟
أم انني اخشى ان اشعر يوم انني (( خسرتك يارصيدي )) فالحياه .. !!
ويبدو أن (( اعترافي )) هذا قد اجج غروره ..
فأهداني (( الكيّه )) التي لم أبرأ منها حتى الأن ..
وقال بدم بارد : عند هذا الحد (( انتهينا )) ..
قلت بنبرة أسى : (( ماهيب صعبه )) شوي هالكلمه ..
أدار ظهره ورحل ..
عندها ادركت ان الحب المتبادل يضع (( كل قلب مع حبيبه )) ..
وأنني كنت احب من طرف واحد ..
قلت له أنا : تدري أنت وسالفتك هذي ..
تقدر تنزع (( من ذاكرة الأدب )) العربي قصص قيس وليلي ..
وتحط قصتك هذي مكانها .. لانك أكثر وجعاً من قيس .. !!
ولافيك طب .. !!


كل مابين الأقواس عناوين لمواضيع (( عبداللطيف الغامدي )) .. !!

1

^
^

ماشاء الله عليك .. يانواف .. !!
أنت كاتب (( الرد )) قبل الموضوع .. ؟؟

حقيقة متعة القراءة في مواضيعك الرائعة تسعدني

وعبداللطيف شاعر ويستاهل أن يهتم حتى في عناوين مشاركاته


لكما مني ودي وتقديري

مع أجمل باقة ورد

ابو حمــــــــــد الله يسعدلي مساك
وتقاسيم رائعه لشاعر نحبه ومن اهم اسماء هذا الصرح الشامخ
ويستاهل اخونــا (( عبداللطيف الغامدي )) هذا الاحتفاء الرائع والتقاسيم الجميله




ودمت ياصديقي بالف خير وصحه وعافيه
ولاهنت يابو حمد



محبتي واحترامي
اخووووك

الله الله الله الله الله الله الله الله


انت والله اللي مافيك طب يا بوحمد


إختيار رائع وتنسيق رائع اي والله


ومواضيع ابوراكان تستحق هذا الربط الجميل


فعلا سجل اعجابي العنيف هنا


....

تبقى للإبداع رمزا يا مبدع
أبو راكان يستاهل كل خير

لا عدمتكما

عزالله مافيه مثلك
الله لا يضرك





ولطفي يستاهل كل خير ،،،

لله درّك يا ابوحمد
حضور التقاسيم هنا لايشابهه حضور أبداً

مشاء الله عليك

وابوراكان يستاهل .. مميز بمواضيعه وأختيار عناوينها

سلمت
سلمت
سلمت


محبتي وتحيتي

لا إله إلا الله .. لا إله إلا الله ..
.
.
والله يافيصل انه .. صادق يقول ياخي الشيباني .. والروقي خالد ماخلّو فينا عقول
.
سبحان من أعطاك .. وميّزك
سبحان من ألهمك .. وفرقك

أبو حمد .. ياأخي أنت تكتب بعاطفة .. وتقرأ ملامح وتقاسيم حياة الأصحاب بعينٍ لمّاحة .. وقبٍ صادق صدوق .

عبداللطيف الغامدي .. هذا الرجل الذي يلمع بالحب .. ويعلو بالهدوء .. ويرقى بالصفاء .. ويتّقد بالقوّة ..

يستحق كل حرف من هذه التقاسيم ..
يستحق كل نبرة وفاء بهذه التقاسيم ..
.
يستحق .. ويستحق الكثيــر .. من غير هذه التقاسيم ..

إعذرني على التقصير بالرد أمام هذه الملامح الجميلة ..
.
.
.
تحيتي ...لك

ابوحمد وموضوع عن ابو راكان

ياسلام سلم ,,

لا بد ان اعود على رواقه

أبو حمد ..

أولاً : يخرب بيتك على الربط الغير طبيعي ..

ثالثاً :---> لأن ثانياً : في القلب ..
عبداللطيف فعلاً يعيش قصة حب ومواضيعه خير دليل على هذا الشي ..

:

وربي انك نكهة مغايره يا ابو حمد ...

ابو حمد ابداعك لاحدود له


انت شي عجيب

وعرفت سر الابداع هو الحياة العزوبيه

مشاء الله تبارك الرحمن
ابداع وربي يزيدني فرح لتواجد مثل قلمك معنا بالمرقاب

عسى الله يحفظك من العين وبس

صح قلمك ولاهنت
نوض

ابو حمد والله اني اخجل من ردودي على مواضيعك دايماً

لافض فوك لافض فوك لافض فوك

الله


عليك يا ابو حمد !!

إختيار قمّه وتوظيف عجيب .. وشاعر يستاهل


لافض فوك ياخالي

الله الله الله

ابداع يبو حمد ابداع

منّي ومنك <<<< شهادته مطلّيه بدمها ولا يدري وش يقول

والله انك شرّفتني وشرّفت العنواين المتواضعه بكل ما فيها بهذا التنسيق الاحترافي الخطير

تراني ما احفظ القصيد لكن هذي المقطوعه الفنيه شكلي بحفظها

واعدها كل ما طلبت شعر <<<<< ياكثر ما يجحدهم


سلمت سلمت وسلم قلبك وفكرك يا استاذ

لاعدمتك ولا عدمت الاخوه المرقابيين جميع

8
8


ولافيك طب .. !! حط بدالها (( ما فيك حيله ))

ابو حمد والله انك كنز

وابوراكان يستاهل اي والله اني صادق

ونعم الشاعر ونعم الرجل ونعم الاخلاق بوراكان

يستاهل كل خير ولاهنت يابو حمد على مواضيعك الطيبّه


سلام

كعادتك رااااااااااااائع


همسه ,, لك وحشه يارجل

تقاسيم مبدع ..... لمواضيع مبدع أخر

إذاً ....... (لاهيا) .... من الإبداع




تحياتي