من لا يغبـّـر شارب ٍ ما دسّمهْ

يسعد اوقاتكم اهل المرقاب الاعزاء ..
من الجديد .. امل ان ينال الرضاء ..
\
\

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من لا يغبـّـر شارب ٍ ما دسّمهْ =هذا مثل قديم قالوه الرجال
الرجل ما ينهض ليا ذاب نسمهْ=يفشل قبل يطلع على روس الطوال
والوقت ما يرحم ليا احمى مسيمهْ=اما كذا .. والا كذا .. في كل حال
كلن ينال اللي له الله يقسمهْ=بس الجهود الطيّـبه عكس الخمال
واللي بدرب الطيب له فعل وسمهْ=بين الرجال يصير له عظم ٍ جلال
والرجل دربه حسبْ عقله يرسمهْ=دربين والثالث ترى ماله مجال
واللي ليا من قام في امر حسمهْ=عساه يسلم من صواديف الليال
الطيب ميدانه لهايب وعسمهْ=حتى ولو ماهوب ميدان القتال
إن كان شاب الرجل ما حاز اوسمهْ=ما يفقده وان مات غير ام العيال
واللي ماغبّر شارب ٍ ما دسمهْ=قلته ومن قبلي تراووه الرجال[/poem]