عزام ..

[align=center]السلام عليكم ورحمة الله وبركاته
... بعد غياب .. أسعدني الحظ بالعودة لكم مجدداً ..
.. بهذه المصافحة الذي أقل مايقال عنها .. أقل من متواضعه ..
.. وكذلك .. لاتتعدى مجرد شعور والد .. أتجاه أصغر فلذات .. كبده .. راجياً الله إن يصلح النية والذرية ,,

/
)

(


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


عزام قبل صدوف الأيام يبدن =وأقفي عن الدنيا وأشد الرحايل
ومنيتي في سدّهن يوم يردن = سنّه خذت قبلي شعوب وفصايل
أخذن رسل قبلي وأنا كيف ينسن= والموت سنه مالها من بدايل
لاقضى المكتوب بالعمر يقفن = ولاأحد يخلد في حياته وزايل
أما أنت ولاابوك فالقلب يجفن= ودليلهن فالعين والضول ضايل
عينٍٍٍٍ غفت وعيون بالدمع يبكن = وفالجوف منها تاتذوق الغلايل
عزام أنا بوصيك ياصغيّر السن = وصية ٍ ترقابها كل طايل
الدين صونه والفرايض لها صن = وبلسان قولك ياوفي الخصايل
وفي والدينك خير ثنتين يكفن=الطاعه العظمى رضاهم فضايل
وأحذر من أقدامك على الشوك ياطن = درب الخطا فالدرب يمشيه مايل
أسلك مسالك درب الأقدام وأفطن = منهاج ساسك خير كل الدلايل
وقدر الكرم للضيف حيل ٍ يحطن = والطيبه مكسب زبون الفعايل
وفنجال كيف مخضبٍ بأشقر البن = يبري صدورٍ من شقاها علايل
والطيب يجزى طيب والصاع بالمن = وتفوز به مع يابسين البلايل
وأخذر يمينك لاعطت مايجي من = ولاترتجي فالصنع رد الجمايل
وأحذر من الغرات والشك والضن = والستر يرفى عنك كشف الخمايل
وأحذر من دروب المناقيد وأذهن = وأعرض عن الهراج لاجاك عايل
وأحشم وقارك فاللحاء لك يحشمن = وأترك ردياً مكسبه للفشايل
وأحذر من اللي فالوجه ضحكته سن = طعنه قفاء لأقفيت خبث العمايل
وأحذر وكالة من يسند على هن = نقال عن ماقيل في قول قايل
وأبعد بشوحك فالنظر لين يزمن = رووسٍ تعلت وأعتلت كل طايل
ويالله عسى سهموم المنايا يعدّن = بأمر الولي دعواي ياخير سايل [/poem]




أخوكم : سعد المسعودي
[/align]


(
[motr1]خاااص [/motr1]

/


)

[motr1]خااااص

للشاعر : عناد النفيعي
آمل إرسال لي بالخاص .. مايوصلني بك ..للأهمية القصوى القصوى ..[/motr1]

سعد المسعودي


صح السانك مدد بلا عدد


نص جزل من شاعر جزل


وعسى ايامك اطوال انت وعزام


لك فائق تقديري واحترامي


اخوك زاحم النومسي

سعد المسعودي


الله لا يهينك على هالجزلة

نصائح قيمة
وأحذر من أقدامك على الشوك ياطن
درب الخطا فالدرب يمشيـه مايـل
الله يخلي لك عزام وتشوفه زي ما نصحته

تقبل تحياتي

سعد المسعودي .,

مرحبا بك بعد غيابك ونوّرت المرقاب .,


قصيده تعج بالحكم والنصائح الغاليه

حفظ الله لك عزام واخوته من كل مكروه .,



وصح لسانك مدد


وبالنسبه للتواصل ابشر وانا اخوك


سلامي عليكـ .,

[align=center].
.


وأحذر من اللي فالوجه ضحكته سن
طعنه قفاء لأقفيت خبـث العمايـل

وأحذر من اللي فالوجه ضحكته سن
طعنه قفاء لأقفيت خبـث العمايـل



ياسلام ياسلام ياسعد
حضرت بعد غياب بما يشفع لك هنا
صح لسانك ملايين ولاهنت ولو انّا مقصرين بحقك


تحيتي لك

.
.[/align]

سعد

اصلح الله عزام وبقية أخوتك وأطال الله في عمرك على طاعته

نص محكم واتقان جلي ونصائح مهمة

صح لسانك ....
صح لسانك ....
صح لسانك ....


وسلمت ودمت

نصائح وافية وعظيمة ، ومن كانت مكسبه من هالدنيا

هو الفائز والغانم ،،

اصلح الله عزام ووفقه لكل خير وطاعة والديه ،

المسعودي

صح لسانك ولاهنت يالقرم

تحياتي لك

سعد

مساك شعر

صح لساانك

ولاهنت


ابيض وجه

اخوك

سالم اليامي

[align=center]الله الله

وأحذر وكالة من يسند علـى هـن
نقال عن ماقيـل فـي قـول قايـل
وأبعد بشوحك فالنظر ليـن يزمـن
رووسٍ تعلت وأعتلت كـل طايـل


قصيده رائعه

وقافيه في الصدر صعبه

ومعاني عذبه

لك فائق الاحترام والتقدير

تحياتي[/align]

سعد المسعودي

صح السانك

وقصيده فيها من الحكم ما يجعلني اعود مرار وتكرار

شاعر وجزل لله درك

تحيتي وتقديري

سعد
الله يسعد أيامك ولياليك
كما أسعدتنا بهذه الجزلة يابو يزيد
أصلح الله لنا ولك النية والذرية
صح لسانك مدد بلا عدد
تحياتي لك
أخيك


محمد