احــــــــــاســـيـــــس غـــــــــربـــــــــه

[align=center]السلام عليكم ورحمة الله وبركاته [/align][align=center]
بعد الغياب الطويل ارجو من الجميع العذر لعدم مشاركتي بشكل مستمر وذالك
لظروف الدراسه بالخارج
وانتم فى القلب ولايمكن ان ننساكم
اليكم القصيدة[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

على الهون ياصدر المواجيع لاتحتار=معك ضيقة الخاطر والافراح مطويه
صداها بجوفي معلنن حالة استنفار=ومعاناتها كنها مقابيس ناريه
لها وقع ما بين الحنايا وعليها شعار=نعم للمفارق والحياة الشقاويه
توكلت فى حفظ الولي عالم الاسرار=تحت حكم رب ٍ يغفر الذنب والسيه
بعد مانويت ارحل وغادر هلي والدار=عزمت وعقدة الراي والنيه النيه
مكاتيب لابن ادم وتجري به الاقدار=وهو فى ذرا جور الزمان وبلاويه
تحملت حمل ٍ مايحمله جبل سنجار=ولايقدره من هو يحب المحنيه
ودعت القرايب والاهل قبل اشوف الجار=وانا عبرتي تاتي من العين عفويه
تجينى كذا من دون مااشعر ولا بختار=مشاعر ائليمه لا ذكرت الوداعيه
حزين وفقدة اللي لهم داخلي تذكار=خيال ٍ يجيني كل صبح ٍ وعصريه
الى من طرا لي ذكرهم قلت ياستار=عسى الله يقدرني على بر والديه
مع الحزن والهاجوس هم ٍ علي ينهار=تهل الدموع وضيقة الصدر مخفيه
وقلت اصبرى ياعين هذا الزمن دوار=تسلي بشاة اهل القناه الفضائيه
عسى السيل يسقى ديرة ٍ واسمها عين دار=وتفيض الاماكن كلها من خباريه
منازل ربوعن فى ضميرى لهم مقدار=بنى عمى اهل الطيب والديره الحيه
وانا ودي بقرب المشاكيل واهل الكار=ولاكن ظروفي تبعد الخي عن خيه
تغربت عنكم وابتعدنا عن الانظار=ومنها نبي نكسب شهادات علميه
طراة الفتي يرقا ولا ينزل المحدار=مثل والمثل ملزوم تعرف مباديه
يحافظ على دينه بحزم وعزم وصرار=ولاخاب من مثل بلاد السعوديه[/poem]