رمــوز وبدايــات مرقـابيه ..

السلام عليكم ورحمه الله وبركاته

أسعد الله اوقاتكم بكل خير ..

حاولت ان اجمع هنا البدايات المرقابيه لعدد من رموز المرقاب واخترت ان تكون
من مرقاب الشعبي او مرقاب المواهب حسب تاريخ المشاركه

فعذرا مقدماً على التقصير إن حصل ..,


سداح

المشاركة الأصلية كتبت بواسطة سداح

السلام عليكم ورحمة الله وبركاته ،، والله يسعد اوقاتكم ياهل المرقاب جميعاا بالخير .

في البداية أتشرف أني اكون ضمن هذه الكوكبه المنتقاه من الأخوه الشعراء
والمتابعين للشعر في هذا الموقع المتميز ويسعدني المشاركه معكم واتمني ان
اقدم مايرقى لذائقتكم والمعذره على تواضع التقديم .


[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أقول طاب الجرح .. والجرح ما طاب=اكذب على نفسي ونفسي صدوقه

لازال نزفــــه حـيّّ ما كــفّ صبـــاب=واللي يبيــع الـــدم يهــــدي عروقه

أنا الذي مبـداي فــي راس مرقاب=وأنا الذي مركـــاي كوعي يعوقه ؟

كتبــت ليـن الحبر ممـا ذرف شاب=وغنيت ليـن الشعـــر شابت طـروقه

أجامل الأصحاب صـادق وكــذاب=وأنهج دروب الطيب .. واطـب سوقه

واولّع المشهــاب .. واشرّع الباب=وأنثر ما حقته من هجوسي وأحوقه ؟

واضريّّ اللحيـــه على مسّ الأشناب=يسوقني سلــم العــوارف .. وأسوقه

واخيل وجـــه النوّ .. واجيه مرتاب=واصبــر ليــــا عيـّت .. تكاشف بروقه

حبيب .. لـو ضاعت مفاهيم الأحباب=ومــن واجبات الحـــــبّ نحفظ حقوقه

ياضلـــع .. حـرّك حرّ وغرابك غراب=ومــن حـلّ فـــوقك ذلّ واصبـحت فوقه

لاغبـت خــــلّ الريح لو فيك تغتاب=تقبل سبوقه .. ثم تقفـــي سبوقه ؟

ما ينهش جنوبك على الضرس والناب=الاّ شــدوقن .. واسعــاتن شدوقــــــه

أعجبتني ماقلت وش سرّ الإعجاب=وكـلّن على كيفـــه.. وشفـّه.. وذوقه

واقـول طاب الجرح والجرح ماطاب=اكذب على نفسي .. ونفسي صدوقه[/POEM]

وسلمتوا ،،

،،

مشعان البراق

المشاركة الأصلية كتبت بواسطة مشعان البراق

,


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تلاذع فيوز القلب لا سولفوا عن نجد=وعزي لـ ( قلب ٍ ) هاجس الشوق يبحر به
تعدّت نجوم الليل وانا اتوّجد وجد=وجود الكبير .. اللي زمانه مقصّر به
علشان من حبه بجد جمع حالي بجد=وصخّر مشاعر شاعر ٍ لاوع الغربه
يا كمّ اهجدتني في منامي طيوفه هجد=ويا كمّ اسهرتني سربة ٍ من وراء سربه
حروف القصايد عند طاريه تسجد سجد=وتركع له القيفان يوم اتبّاشر به
غلا واحترام ومقدريه وحب ومجد=لو انه .. طوّى حال المعنّى وعزّر به
من البعد دقلات العنا في ضميري رجد=متى الله .. يبعّد ساعة الضيق والكربه
غلا نجد زاد .. وزوّده من سكن في نجد= عسى نجد كله للحيا .. شرقه وغربه [/POEM]

البراق

خالد الحصيّن

المشاركة الأصلية كتبت بواسطة خالد الحصيّن

السلام عليكم ورحمة الله وبركاته

يسعدني أن أقدم هذي الأبيات وأرجو أن تنال القليل من أعجابكم


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدمعه اللي نقّــدتني بالأجنـــــــــاب=بذّت خفـــاي وســري بوســط بيري



ورقيت محتارٍ علــى راس مرقــــاب= اللــي رقــا قبـلي علــيه الســـديري



وفتحت للهاجوس خمسة عشــر باب=وعطيته الوجــهه وحــدّد مصـــيري



يمكن يشيب الراس والقــاف ما شاب= مادام لــي غبـــّه وجــمٍ غـــــزيري



صدوق بالفطره وفالشعـــر كـــذّاب= كنّـــي مبــــرّك فالثــريا بـعــــيري



فِن شفت مال السيف فالحق مضراب= باقــول سيفــي مالـه إلا جفـــيري



يا صفحة التاريخ تاريخ الأنســــاب= يا ليت عقرب ســاعتي يستــديري



وارجع واعيش بوقت ابو زيد وذياب= ويا كثر ناسٍ ودّها تعــيش غـــيري



وجدي عليهم وجد سعدون ف عقاب= والا كما وجدي على ضيــع طيري



تقول فـي صدري من الهـم شبّـــاب= شبّاب رشّــاشٍ يشـب بضمـــيري



الوقـــت لا لحيه ولا فتــلة اشنــــاب= سيفٍ على روس المطنّخ شطيري



حتى الذيابه مالها ضروس وانيــــاب= والشيخ عقب الزل زلّه حصــيري



واللي نشدني ويش تعريف الارهاب= قلت الرغا لا صار عقب الهـديري



وضياع سلم وحسبةٍ مـالهـا حسـاب= ومخالفة نهــج البشــير النــذيري



وخمسة عشر بيتٍ .. وهي قفلة الباب= وإن زاد بيت ف كثّر الله خــيري[/poem]




وسلمتوووووو

عبداللطيف الغامدي

المشاركة الأصلية كتبت بواسطة عبداللطيف الغامدي

الاخوه والاخوات مشرفي , اعضاء وزوار المرقاب الرائعه

مساء الشعر

بعد طول انتظار عدتم لنا باطلالتكم الرائعة

فكان لابد لنا ان ننضم لقافلتكم الجميله .....

مشاركه اولى ارجوا ان ترتقي لاذواقكم الشامخه ولكم كل الود


******************************************


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يــا قـصـيدي سـاحة الاشـعار نـادت و ا نـت الاول= فــكــرة(ن) تــرقــى بـراعـيـهـا لــمـركـازالـقـيـادة

والله انــــك راعــــي الــهـمـه وطــبـعـك مـاتـحـول= مـــا عـسـفـت الـقـاف بـالـرجوى ولا تـطـلب وداده

الـغـيـاب الـلـي خــذك مـنـي تــرى بـالـحيل طــول= طــالـت الـطـرقـه ولا مــريـت يـــا وجــه الـسـعاده

وادري انـــك لا ظهرت بـيـبكي الـشـعر الـمـقول= يـنـكـسر عــود الـغـرور الـلـي تـمـادى فــي عـنـاده

تـنـفـتح كـــل الـمـسالك مــن بـعـد حـظـر الـتـجول= كــلـمـا مــريـت لـــك راعـــي ولـــه ثـــور زنـــاده

لــلـشـمـوخ لــهــامـة(ن) عــلــيـا وواجـبـنـاتـطـول= لــلـجـهـاد ولــلـطـريـق الـــلــي يــــودي لـلـشـهـاده

لـلـثـكـالـى لــلـحـيـارى لـلـفـقـيـر الــلــي تــســول= لـلـضمير الـلـي صـحـا مــا ريـحـه كـبـر الـو سـاده

لــلـوطـن ولـلـحـصون الــلـي حـمـاهـا مـــا يــنـول= لــلــرجـولـه لــلـشـهـامـه وبــالـمـواقـف لــلــجـلاده

لــلا مـومه لـكل طـفل(ن) لـجل حـضن امـه تـعول= لـلـيـتيم الــلـي رمـــاه الــوقـت فـــي درب الـنـكـاده

لـلـيـمـين الــلــي تــصــد الــظـلـم ولـكـفـه تــخـول= مـاتـخـلي لـــه قــلـوب(ن) يـعـتـبرها مـــن عــتـاده

لــلـد لال الــلـي تـصـب ولـلـصحون الـلـي تـحـول= لــلـكـرم لـلـجـود لـلـلـي مـاخـذيـن الـطـيـب عـــاده

لــلـعـيـون الـــدعــج لــلــلـي فــــي مـحـبـتـهايمول= كـــل مـــوال(ن) طـرقـتـه تـــل لــه خـفـاق غــاده

هـــذي افــكـاري وابـــي قــاريـك يـاشـعـر يـتـهول= اســـق مــن وده قــراح ومــن يـبـي الـسـكر زيــاده[/poem]

وســــــلامـتكم

اخوكم

عـــبــد الــلـطـيـف الــغــامـدي

(حــــزام الــسـعـد)

******************************************

ناصر تراحيب

المشاركة الأصلية كتبت بواسطة ناصر تراحيب

اهــــــــــــداء للجميع آمل ان يحوز على رضاكم ...
ــــــــــــــــــــــــــــــــــــــــــــــــــ ــــــــــــــــــــــــ
يا شوق قلبٍ به الاشواق مكتضه

************ ارحـــم محبٍ تعـذب بك وهــو راضـــي

يا أغلى من الدر والالمـاس والفضه

************ ويا اجمل من البارق اللي فالدجا ناضي

مشاعري جات بالاحزان منفضه

************ ساعة نويت الــوداع بحكمك القاضي

دقات قلبي بصدري جالها جضه

************ وأغرورقت عيني اللي دمعها فاضي

لحظة وداعك تتل القلب وترضه

************ وتبدل انســه هموم وغم وامراضي

حاولت فيها أرد الشوف واغضه

************ ولا فاز حالي بمكسب ساعة اعراضي

لكن صرفت النظر يوم ارتدى حظه

************ وانشهد اني عليه اخطيت باغضاضي

قالوا لساحة وميدان القضا قضه

************ الحكم راضيه وانت الخصم والقاضي

وقبل الندم واصبع الابهام والعضه

************ حكم ضميرك وعود لعهدنا الماضي

مناحي

المشاركة الأصلية كتبت بواسطة مناحي

الاخوه الاعزاء

السلام عليكم ورحمة الله وبركاته
وصبحكم الله بالخير

مشاركه اولى معكم اتمنى تعجبكم ...لكم التحايا ،،





[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يا منشي صدوق المخاييل=يا كاشف البراق بطن الغمامه

يا مسقي الارض اليباس الهماليل=يا مجري الماء سيل صعب انقسامه

يا فاتق الاصباح بعد اسود الليل=يا عاقل الطرقي لدرب السلامه

اعقل علي ام الرموش المضاليل=الجادل اللي روحت من تهامه

تبا الكويت ومنزلن بالفحيحيل=منزال ابوها يوم فايت عوامه

اللي هواها متلف الحال والحيل=معاد جسمي ينقلنه عظامه

جفني يجيب الدمع مثل ازرق النيل=وقلبي تصافق في عروقه هيامه

مغير اهيجن بالخلا وازهم سهيل=في شعب عود الراك مزعل بشامه

ازهم على روحي واجر المواويل=ازعجني الموال وازعج حمامه

ماكني الا اللي مظلل بتظليل =ظلا يعرف العلم وامسى علامه

لاطب ينفعني ولا فاد تحليل=والناس تبني بالملامه ملامــه

وانا ليا زادوبي القال والقيل=ما اطرف اذني للعذول وكلامه

يهبون فيما يجلبون العواذيل=في سلمي العاذل يضيع احترامه

ربعي سليّم ومن رجالٍ حلاحيل=ولاشك ماني في زماني هلامه

ولاشك ما بالحب قولت تساهيل=ولا بالهوى احدٍ يحقق مرامه

قلته وانا نظرات عيني مقابيل=من وقت قلبي فيه كثر ازدحامه

على الذي يسكن حدود الفحيحيل=ربعن يسمون الدريشه بـ ( جامه )[/POEM]

..ــ وسلامتـكـ/م ــ..


..

عبدربه

المشاركة الأصلية كتبت بواسطة عبدربه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهل الوفا والجميل مطوعين الصعاب=قطاعةالفرجة اللي مبـعدٌ دوها
ياهل الأمانات لاجاء في الزمان انقلاب=واهل سدودٍ على الأسـرار ياقوها
ودوا سلامي لابوفيصل عزيـز الجنـاب=النادر اللي دلاله مـاطفا ضـوها
يمناه فيها كرم حاتـم وشلفـا ذياب= وراثةٍ لـه قديمة مـاهـي بتـوها
تحيـةٍ عـد براق الدجى في السحـاب= في عارض المزنة اللي مرزمٍ نـوها
تحية أعجاب فيها الشهد سلسل وذاب=والعود الأزرق بعطره غامرٍ جوها
وقولوله إن الليالي لوعليها حجاب= يبين لـه ذيبـها ويبين لـه بوها
السالفة ياحبيـب بين ضـرسٍ ونـاب =مادام حسن النوايا ماغلب سوها
جتنا علوم الطراقي جعلهم للذهاب=أحيان ياكثرها وأحيان يا شوها
قالوا بعضها خطا والبعض الآخر صواب= وقلنا ياباني بيوت المعرفة طوها
بابٍ يجي ظاهره رحـمة وبطنـه عـذاب = وبقعا ترى الشر بسفلها وبعلوها
اللي منول تعـزه مـن معـزة حبـاب=اليوم خالط علومه ربـدها حـوها
النذل عينه ما يمـلاها ياكود التراب=وياللي تسرح رعية مصـطفى ضـوها
هـاك الحـقيـقة تمعـنها ورد الجـواب =ومجمل عزومك على رد البرا قـوها
والمعذرة ياطويل العمر والقاف شاب=والغلطة اللي تجي من عندنا سوها[/poem]

رحيم الغنامي

المشاركة الأصلية كتبت بواسطة رحيم الغنامي

السلام عليكم ورحمة الله وبركاته ..


اولاً / احب ان ابارك للجميع شهرنا المبارك ..

ثانياً / ارجوا ان تنال مصافحتي الاولى للمرقاب ولو على القليل من اعجاب عمالقة هذا المرقب .. وسامحونا على القصور .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي جفيت ولا طرالك تواصل = حبيبك اللي طول عمره يناجيك
حرام تقتل حبنا وانتفاصل = ما يرضي الاحباب لو كان يرضيك
عذابي اللي في الضمير امتواصل = متى يزال ابفرحتي يوم الاقيك
آلمتني وآلمت فيّ المفاصل = ولا فيه عضو الا اشتكى من تجافيك
ياسيدي ما يلعن كل ماصل = الله يلعن ماصل اللي يعاديك
بيني وبينك لو يحطّون فاصل = أنا على عهد المودّه وشاريك
واللي مشى في الدرب لا بد ياصل = يمّا اتصل بي ولا انا بتصل فيك
وان كان ماودك لي تعود واصل = واذكر محبٍ كان وده يهنيك
أبرسل الأبيات تحصيل حاصل = لمجلةٍ فيها المواضيع تحييك
لعلّها تقرأ مجلة فواصل = وتلاحظ اسمي (...) وتقول لبيك !! [/poem]


وسلامت قلوبكم ..

رحيّم الغنّامي

عناد النفيعي

المشاركة الأصلية كتبت بواسطة عناد النفيعي

طابت اوقاتكم اليكم عسى ان تنال رضاكم :






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعسى ما للقلوب السود دابر=القريبه ماعلي من البعيده

والله اني من زمان العام صابر=مسة اللحية وشاربها نكيده

ويحسبون اني على هذي مكابر=اثر بعض الخلق من نوعه فريده !!

الله اكبر مادروا كيف المقابر=ضمت النفس الشقيه والسعيده؟؟

والله اكبر مال للعثرات جابر=اكتبوها وارسلوها للجريده

والرجال اللي عرفناهم مخابر=مابقى الا من سلايلهم شريده!!

والعضيد اللي يشيل الحمل خابر=طعنته تظفر بها يمنى عضيده

والقلم مايقنعه وبل المحابر=كنها ما اروت ظما اقلامِ عديده

والسبيل امحل ولا حياه عابر=كل طرقي مايمره في مديده

والشموخ يطق باصبع للمنابر=عاد سجل ماتشاه وماتريده

والزمن وجهه من الصكات غابر=( واعتقد ماجبت لي حاجه جديده)

وياعسى ماللقلوب السود دابر=من سمعني يستلم بيت القصيده[/poem]

اتمنى ان تحوز على رضاكم ودمتم بخير

**

الله يعطيك العافيه

ومشكور على جهودك

لاهنت يا ياسر

ياسلام

عز الله ماقصرت واخترت


غيمار

بارك الله فيك ياياسر ..

الله لا يهينك

هذولا مبدعين من اول ماطى قدم

جهدك مشكووور

بيض الله وجهك يا ياسر
علومك كلها غانمه



ولا اقول .. الا الله لا يكشف لنا ستر ههههههه

هلا
هلا
هلا
بـ ياسر

ولاهنت والله على الموضوع المتعوب عليه
واختيار موفق لرموز المرقاااب
لاعدمناك

:
:

ياسلام عليك .. يـ (( ياسر )) .. !!
لفته ذكية ..
وتوثيق بدايات لـ (( 9 )) مرقابيين ..
من أهم اسماء (( فريق )) التميز المرقابي ..
كان لتواجدهم دور (( رائد )) في نجاح المرقاب ..
حيث كان الأبداع (( ملازم )) لحضورهم ..
فحملوا (( لواء )) الأبهار لأعضاء وزوار هذا الصرح الأدبي .. !!

اعدتنا الى بداياتهم التي تحمل بذرتهم الأولى في (( جناين )) عملهم هنا ..
كل الشكر لك على هذه اللفته ..
وكل الشكر لهم ..
لأنهم كانوا هنا .. فكنا معهم وحولهم هنا ايضاً .. !!

الله الله الله

موضوع جميل .. و إلتفاته أجمل
اخترت لنا درر لعمالقة الشعر ..
فـ .. لله در ذوقك

وافضحي فضحاه ..

هههههه

انت وين تسلقطت عليها يا ياسر ؟؟

لا ويعنني مشفّر بعد ..

ياسر العتيبي

شكراً لاهتمامك و موضوعك المحرج بالنسبه لي ..

لاهنت يالغالي ..

..

[align=center]^
^
^
^

رحيّم .. علومك وعلوم الربع اللي ذكرو .. كلها تطلق وجيهكم .. من بداياتكم لأخر حدود أبداعاتكم ..!!

ياسـر

رائع .. وموضوعك يشبهك

لهم حق علينا .. وراعي الاوله ما ينلحق

الله يطوّل بأعمارهم << شيبان المرقاب الموقرين

دمت ودام تواصلك [/align]

ما عليك زود يا مطلق ..
طلق حجاج وابيض وجه ..

لاهنت يالغالي ..

..

فكره رائعه يا ياسر !

لا هنت وامتعتنا !


....

سداح

مشعان البراق

خالد الحصين

عبداللطيف الغامدي

ناصر بن تراحيب

مناحي

عبدربه

عناد النفيعي

انا اشهد انهم من رموز المرقاب
و لا قصرت يا ياسر و الله يبيض وجهك

و الربع اللي عديتهم مميزاتهم واجد و اقلها استمرارهم فالإبداع إلى ساعة تحرير الخبر
و هم هم ما تغيروا
العلم الغانم و الاخلاق الطيبه و الشعر الجزل

لا هنت وبارك الله فيك والربع يستاهلون كل خير

ياسر العتيبي .,


نقطة تحسب لك على اللفتة الحلوة والذكية
لاهنت وابيض وجه
اخترت لنا عمالقة ورموز في المرقاب
تحيتي

سلمت على هذا الموضوع الجميل

ويستحقون رموز المرقاب

الله يبيض وجهك يا ياسر

والربع كلهم خير وبركه الله يبارك فيك وفيهم

ياسر العتيبي :_
بيض الله وجهك .. على هذه المادة الرائعة ..
جمعت لـنا .. تحف فنيّه قديمه رائعة ..
.
.
سلمت .. ودمت

ياسر العتيبي

لله درك على ها الفكرة الاكثر من رائعة

اسماء لها في سماء المرقاب وهج التفرد والريادة

وبعدين بداياتهم قصايد ناس تكتب شعر من ثلاثين سنة وهذي دائما بدايات النجوم

كل الشكر لهم على ما قدموه وما يقدمونه من ابداع امتلات به ردهات المرقاب

و كل الشكر والتقدير على طرحك المتميز دائما ياياسر

والله يا يااسر انك ما قصررت

علمك غانم وعلومهم غاانمة من اولها لين اخرها


عز الله ان الابداع ما يفارق هالاسماء الي ذكرتها


دمت لمن تحب

الله لايهينك يا ياسر

والحقيقه أن الجميع فالمرقاب رموز ويستحقون
الوقفات مع قصائدهم والشاهد الله

شكراً لك على التكريم الغالي وشكراً لك وفاءك


والله لايهين من مر وعقّب على الموضوع