اخو حنيف ونعم

بسم الله الرحمن الرحيم

اعضاء وزوار هذا الصرح الشامخ قصيده اهدا للشيخ مرزوق بن لفاء الذيابي




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من وين ابا ابدى واكتب الشعر من وين=وانا اسمـع الليلـه بصـدري قنيبـه
قنيب ذيـب ٍ فـي علـو الضلاعيـن=لج الجبل واهتز مـن صـوت ذيبـه
كنـه يقـول الليلـه اللـيـل ليلـيـن=وكنـي اقـول اللـي تجيبـه تجيبـه
وبدعـت طاروقـه وغنيـت بيتـيـن=وانـا خصيـم القـاف وانـا طليبـه
والشعـر سيـف ٍ فالمواقـف بحديـن=ومـا ينعديبـه فالطـلـب ينبديـبـه
ويازيـن نظمـه فالرجـال المديحيـن=اللـي يحلـون الامــور الصعيـبـه
هذاك ابو خالد علـى العسـر والليـن=ريف الضيوف وعـون مـن يلتجيبـه
مكرم ضيـوف الله لياجـوه ناصيـن=وعنـد العـرب لـه مقدريـه وهيبـه
كرم وحسـن اخـلاق والاول الديـن=وياطيب من مبني على الديـن طيبـه
ان مر ذكـره قالـوا النـاس نعميـن=من شبته ليـن اصبـح اليـوم شيبـه
اخـو حنيـف ونعـم والله ملايـيـن=بحنيـف واخوانـه ومـن يعتزيـبـه
رفيقـي الوافـي طليـق الحجاجيـن=عـز القريـب اليـا اعتزابـه قريبـه
وقت الطلـب يفـزع ووقفاتـه اتبيـن=ولا يلحـق المقفـي بنمـه وغيـبـه
له فزعة ٍ تستـر مـن طيبهـا العيـن=ولـه وقفـة ٍ عنـدي تعـادل كتيبـه
من روس قـوم ٍ فالمواقـف شجيعيـن=تاريخهـم مافـيـه شـكـه وريـبـه
الاد ذايــب طيبـيـن القـوانـيـن=ضد الحريـب اللـي يعـادي حريبـه
وعندي على قولـي شهـود وبراهيـن=وهذي تـرى ماهـي عليهـم غريبـه
اموثقـه بالفعـل بشـهـود عدلـيـن=من حـرب والا مـن قبايـل عتيبـه
وربعـي ذوي زراق لطـم المعاديـن=وزبن الدخيل عن السنيـن العصيبـه
عدونـا نسقـيـه مــر الامـريـن=باللـي مضاربهـا العظـام الصليبـه
وخوينـا نبقـا مـعـه دوم وافـيـن=ونبشـره بالنصـر عقـب الغليـبـه
وفي راينا نشبـه صفـوف المصليـن=وعـن فعلنـا لاجيالـنـا ينحكيـبـه
وان جا اختلاف وعود الـراي راييـن=ناقـف لصكـات الزمـان الرهيـبـه
يشهد لنـا التاريـخ والنـاس داريـن=انـا طبيـب اللـي يـدور طبيـبـه
وانـا ولـد شيـخ ٍ يعـدل الموازيـن=يـوم ٍ ولــد الــلاش مايندريـبـه
شيـخ ٍ رقـا للمجـد والمعرفـه ليـن=وصـل بفعلـه للنـجـوم الرقيـبـه
بنا لنـا مجـد ٍ مثـل سـور برليـن=ومثبتـه مابـيـن مـكـه وطيـبـه
واكبـر دليـل انـّا مابيـن الحرميـن=ننعـم بأمـن وسـط البـلاد الحبيبـه
وختامها قولـوا معـي قولـوا آميـن=انـه علـى مـاقـدم ألـنـا يثيـبـه[/poem]