( هذا الصدق )

[align=center]السلام عليكم ورحمه الله وبركاته

مشاركة من نماذج ( منذو مبطي )
تقبولها على تواضعها[/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تبى الصدق مابعتك ضما وأشتريتك جوع=ضميتك وجعتك والمعاليق معذوره
تريّح علي سد الحشا والضلوع أضلوع=تفرّد بقلبي وأملكه وأرحم أشعوره
تعمق بحبي ماتبى والعتب مرفوع=علي كيفك أكسر حاجز الصوت والصوره
تثور المشاعر من نغم صوتك المسموع=ليا مّر في آذني قلت يا قايد الثوره
جميع الجوارح في محبتك تمشي طوع=تقول إنها في حب شرواك مآموره
تسابق عليك أمن الولا والخطا ممنوع=وأقول الخواطر في محبتك مجبوره
أنا أكره غيابك لأن ذكر الفراق ايروع=مشاعر خفوقي في محبتك مسحوره
ليا غبت ساعه قلت غيبتك فوق أسبوع=أجل كيف ؟ لو تبطي والايام مخطوره
ياسيد البها يا المترف الغالي الدلوع=ياحلو النبا ياغربة القلب وحضوره
تفرعت بي وأنت الغلا والشعور أفروع=تغذي علي وصلك وقربك ومغروره
عليك الغلا مثني وشوق الهوى مربوع=وشعرٍ كتبته وأنت ناسه وجمهوره
سكنتك وطن عمري ومنهاجي المشروع=وأخذتك حصيل سنين للقلب وشهوره
هزمت بهواك الحزن يوم الدموع أجموع=كسبتك نصر وأعلام الاشواق منصوره
صريحٍ بحبي ماتشكلت نوع ونوع= دليلك وضوحي والمواقيف مخبوره
هذا الصدق مابعتك ضما وأشتريتك جوع=ضميتك وجعتك والمعاليق معذوره[/poem]