••• عشـق البـداوه ••• مُصافحتي الأولى ..

بسم الله الرحمن الرحيم

السلام عليكم
أضع بين أيديكم مُصافحتي الأولى ..

أمل أن ترتقي لذائقتكم ..

[align=center]:.
{ عشـق البـداوه }
.:
[poem=font="traditional arabic,6,crimson,bold,normal" bkcolor="transparent" bkimage="" border="none,7,gray" type=0 line=0 align=center use=ex num="0,black"]
ياروح روحي " داخل القلب وهاج=وهاج نارٍ " في حطبها رهاوه
هب الهوا وقامت " تسهرج تِسهراج=ولاعاد للمشتاق منها نجاوه
حتى لو أيسند على عد هداج=لاشك الــــ .. راع الشوق فيها شعاوه
وأنا صويبك ياحسين التغناج=والشوق في قلبي لناره غثاوه
من كّثر ما أشتاقلك " كني على صاج=عن وصلك المعهود مالي غناوه
بنصاك طف النار للصوت زعاج=تكفى ؛ عسا روحي لروحك " فداوه
من حرها شفلي على يدك مخراج=قدام لاتضحك علي الجباوه
تراني أمن الشوق قد جاني " أخلاج=أنا أشهد إن أخلاج قلبي نقاوه
كني سجينٍ مايبي حكم " الإفراج=محكوم بالإعدام مابه غباوه
ماوده أعن الحكم تّنفك الأدراج=والسيف يقطع راس راع الجناوه
لا أتحط في باب المواصيل مزلاج=للهجر " ما فالهجر " غير الشقاوه
الله ومر بالوصل يالترف مِنهاج=ماأخبرك قاسي قلب ! ليه القساوه؟
وش مّزعلك ؟ مابيني وبينك أحراج=تكلم , أبسمعي " لهرجك صغاوه
مابه حواجز " للمعاتب ولا " أسياج=عاتب .. ومن باب الغلا " الصمت قاوه
وكان الحكي يتعبك ؛ لاتحكي ! وناج=بعيونك !! أعرف وش تريد أبهداوه
لرضاك : من ينبع لو إنك بالأفلاج=أجيك قلي وش تبي ؟ من , رضاوه
إن كان تبغى عاج " من ساحل العاج=عادي أجيبه , مابعزمي رخاوه
ولو فالبحر تبغين أشيدلك أبراج=بنيتها بإسمك وأخذت السماوه
بإذن الله ألترسي لاهاجن الأمواج=وتعيش بين الغيم " عيشة حفاوه
وخلي علي : أمصافق الموج لاهاج=أقولها " وبالفعل عندي جراوه
ومن نمة النمام , لاأيصيبك أزعاج=نفس الكذوب " أمصخره للدناوه
لاأتصدقين أبشيمتي " هرج هراج=خص الرفيق ! اللي يكن العداوه
أنا عزيز النفس " مانيب هلباج=ونقل الحكي ماأهضمه " منذ الصباوه
ووصايف النمام " داخل ؛ وهجاج=في كل بيت أيعيش !! مثل القطاوه
وألا آنا حبك صدق في خافقي داج=بموت وأنا أعشقك " عشق البداوه
الدرب يمك " من محبتك ؛ ينعاج=مع قاع " وألا يعتلي مع علاوه
حبك بقلبي لو بوَصفه " ماماج=كانك تّعرف النير ؟ بالنير ساوه
يابو جبينٍ كنه الصبح " لاأنباج=وصايفك " للشعر فيها طراوه
ريح النفل " فاللي على كتفك " أفواج=كنه سبيب السابق " أم الفلاوه
وألا الثمان " اللي كما اللول " لِعاج=من دونها الشفه " حلاوه " حلاوه
إن كان في مبسمك . ياروحي " أعلاج=عقاب في خفاقه أجروح " داوه
اللي لوصلك ياهوى البال " محتاج=لاتحرمه . تراك راعي سخاوه[/poem]:..:[/align]

ع ــقاب العتيبي "

عقاب


صح لسااانك


نص جزل ورااائع

والمرقاب سعيد بتواجد شاعر جزل مثلك ...........


مودتي لك .

مرحبا بك يا عقاب ومسهلا

والله يحييك بين اخوانك

صح لسانك ودام تواصلك ،

..

الله يحييك بين اخوانك


وصح لسانك وننتظر الأجمل


غيمار

^
هو صادز المقاطي ننتظر الأجمل

قدام لاتضحك علاك الجباوه ههههههههه


سلام’ عليكم

..

صح لساااانك , يا عقاب مبدع الله لا يعوقك , وحياك الله في المرقاب


تحيتي

الدرب يمك " مـن محبتـك ؛ ينعـاج00مع قاع " وألا يعتلـي مـع عـلاوه

يالليل الشقا

صح لسانك

ومرحبابك

مرحبابك

في مرقابك

يا مرحبا فيك بين ربعك هل المرقاب ويسعدنا تواجدك بينا
بدايه جزله تجبرنا على انتظار القادم من قصيدك

صح الله لسانك ولا هنت

بالتوفيق

المشاركة الأصلية كتبت بواسطة عبدالرحمن السمين

عقاب


صح لسااانك


نص جزل ورااائع

والمرقاب سعيد بتواجد شاعر جزل مثلك ...........


مودتي لك .

الشاعر القدير / عبدالرحمن السمين :

أهلاً وسهلاً بك ..

أسعدني مرورك وإطرائك ..
وصح بدنك ولاهنت .. يالغالي ..

لا خلا ولا عدم "

عقاب


مرحبا بك بين اخوانك

قصيدة شامخة وتوحي بقدوم شاعر مبدع
صح لسانك مدد .. ولا هنت



تحياتي

..

،


الله الله الله الله

سلام الله عليييييييييييك يا عقاب ، ومرحبا بك بين أخوانـك في المرقاب

وصح الله السانـك عدد حروفها

،