شوتة غلا + سد شنبي .. 2 * 1 ..!

السلام عليكم ورحمة الله وبركاته
وتقبل الله منا منكم الصيام والقيام
وكل عام وانتم بخير ...

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياهاجسي لاهنت تدري ويش ابي=والوضع يبغى واحدن يتداركه
مدام كل قلت في (سد شنبي)=مطلوب منك افكل حفل مشاركه
سلام ياقصرن على العزه ابي=في عالم اهل العزه اسمه ماركه
قصرن لنا ، اللي مخره جدي لابي=يومن مبارك مااخر الا مباركه
الحمل كايد وارتخ له منكبي=والمعدن الاصلي يتعب فاركه
غربت عن داري بأحقق مطلبي=عسى خلايف هالجهود مباركه
حتى اخوي اخوية ابن ام وابي=ليلة زواجه ماقدرت اشاركه
واختامها اصلي على وجه النبي=عسى ليالي الربع دوم مباركه

[/poem]


..


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ناصر غدا مابين راسه ورجله=ولاعاد يدري وين رجله وراسه
ان جيت ابرضي فراتها صاح دجله=والنهر حتى اللي يصفيه حاسه
حتى المزارع ضاع ورده بفجله=وراع الحطب مادهوره غير فاسه
حتى العيون اللي قبل عام خجله=قامت تبادلني النظر بالشراسه
اهب ياوقتن غدا فيه رجله=(رِجل) بكسر الراء سهلن مراسه
غره وهو مايدري انه نسج له=ثوبن مايصلح له ولاهو مقاسه
طمر وطمراته خفافن وعجله=ونسى تقلاب الزمن وانتكاسه
غره زمانه لين شاته برجله=(شوتة غلا) . بس اخلفت قو باسه
[/poem]