ليلة الجمعة

السلام عليكم ورحمة الله

أسعد الله جميع أوقاتكم بخير

من باب المشاركة

صلوا على محمد

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

يانزيع الشوق ياربع الغرام الخالي = خل عيني تسكب الدمعه ولا تنشدها
ولاتسلني وش بلاي ولاتسل عن حالي =والله اني من بعدك وضحكتي فاقدها
خنجرك فالضلع الاقصى جعل ماله والي=طعنته من ليلة الجمعة وانا جاحدها
اتسلا غصب عنها لوماني بسالي= مابي افرّح عيون الشامته واسعدها
والا انا ياوجد حالي والحمول ثقالي = كيف ابلقى سلعةٍ ضاعت وكيف آجدها
القوي الله وانا عبد وضعيف الحالي= ماعرف غيب النفوس وماعرف مقصدها
كل مايممت لليمه وسقت جمالي= ضعت مابين ابيض النية وبين اسودها
وانت ياللي كل ماطيفك يمر فـ .. بالي= صافحت عيني ليالي ماقدرت ارقدها
شيب عيني منك واوجدي ويا عزالي= ماإهتنت بشوي حسناتك ولا واجدها
لاخذاك الزود وأقفيت وقتلت آمالي= لاتلفت في يدينٍ كاسرٍ ساعدها
ولاتقهويني كثر خيرك وخذ فنجالي=يامبهر دلتك بالهجر ومقندها
دام ذا قدر الغلا عندك وذا منزالي= ليه أخايل مزنةٍ لج العرب راعدها
رح فمان الله واتركني هنا بـ .. لحالي= واشعب ركابك على ماودك تسندها
والجروح اللي تجيني من يدين الغالي=والله ان ابطي وانا اونس حرها واجحدها[/poem]

وسلامتكم