صبحكم الله بالأدب ../ !!

صبحكـم الله بالأدب .. يالمناعير
يا اعضاءنا الغالين .. ياهل المروّه


بعد الصباح وقول صبحتو بالخير
مرقابكم .. طقيت بابه بـ قوّه !!


لاتقفلون البـاب دون المسايير
وكلٍ يميّز صاحبـه من عدوّه !



مداعبه

من يومي صغيّر الى يـومي الـيوم
صريح .. ومتواضـع وطيبي ءجبلّه

ولـدت أنا وطيبي سوى كلنـا توم
ماملني .. وأنا ماوالله أملّه .. !!


لـ اني حرّ أحــوم وإن حمت أشوم
ولا أهبطـ ألا فالرجــوم المطلّه !!


اللي ورثتـه عزّ وعادات وسلـوم
والوقت ماغيّر عزومي بــ غلّه


مثل السمـاء شعري وأبياتي نجوم
ودربي صعــيب ولاهـو كلٍ يدلّه

في سوق أهل العرف أبيع وأسوم
وأعرف أعقــد الحبل وأعرف أحلّه


والشهره ماهـي مطلب ولاهي ملزوم
صارت تحيّز .. بين شلّه وشلّه .. !!


واعلامنـا وــلآ واعلومه اعلـوم
معروف هاته ماهو معروف خلّه


يامال فرقا العين .. أمال وحلوم
بلغ ثنـاي لكــل مبــــدع وقلّه ~ :


ماهو زمان أحرار هذا زمن بوم
مادام كـــلٍ .. ماينزل محلّه .. !!

يامشخص ومشعان وناصر تراحيب
أنتـم 3 أعضا .. وطاقم إداره .. !!

ما شاقني ألا طوال المراقــيب
وفن الجزاله .. والجزاله شطاره


ماكل من يرمي يامشخص يبا يصيب
والحرّ يا مشعــان .. تكفيه اشـاره


وان قلت ياناصر عشا الذيب للذيب
ابشر ياناصر من يسوق البشاره


لي مقصد وغايه وشفّ ومطاليب
ماجيت أدور حبّ نوره وساره .. !!


[mark=#050505]ماهيب بخششه يالربع كلمه وفالخاطر[/mark]