المجرمة

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]
الحالة التي بينا لو قلت لك ماهي غرام = الا اقول تجاوزت حد الغرام وكبرياء الملهمه
يمكن غرورك يمنعك تستقبليني بالهيام = لكن شعورك يفضحك رغم افتعال السلهمه
دام المشاعر كلها متزاحمه عيشي الزحام = هذا الزمن ما عقده الا امتثال الانظمه
انتي وانا رغم السنين اللي توالت عام عام = نقرا الوله فعيون بعض ونكتفي بالتمتمه
قولي احبك واعزفي لحن المحبة والغرام = يمكن أنا ما قلتها بس المشاعر مفعمه
خلي أحاسيس الترف تتمازج بعذب الكلام = الصمت رغم انه حلو اجمل حروفه مبهمه
ما جيت اصور روعتك كالبدر في ليلة تمام = ما جيت اقول الموت همس عيونك المستسلمه
ادري تحبيني كثر حب الإبل للانتقام = كثر الخيال اللي غزا فكري وحاولت احلمه
أحبك وقلبي نبض قولي على الدنيا السلام = هذي جريمة حب وانتي يا حياتي المجرمه
[/poem]

صح السانك ياعبداالكريم
احترامي

انتي وانا رغم السنين اللي توالت عام عام

نقرا الوله فعيون بعض ونكتفي بالتمتمه

مرحبابك يا عبدالكريم

صح لسانك وسلمت على هالرائعه

اعجاب وتحيه

المشاركة الأصلية كتبت بواسطة عبدالله مقبول الشهيب

صح السانك ياعبداالكريم
احترامي

صح بدنك
الله يحفظك
تشرفت بمرورك يالغالي

المشاركة الأصلية كتبت بواسطة مشخص السلمي

انتي وانا رغم السنين اللي توالت عام عام

نقرا الوله فعيون بعض ونكتفي بالتمتمه

مرحبابك يا عبدالكريم

صح لسانك وسلمت على هالرائعه

اعجاب وتحيه

صح بدنك
مرورك شرف كبير وانا اخوك
تسلم

يمكن غرورك يمنعـك تستقبلينـي بالهيـام
لكن شعورك يفضحك رغم افتعـال السلهمـه


عبدالكريم الفارس
مزيد من التألق وفيض من الجمال يحمله هذا النصّ
صح لسااانك بقدر هذه الجزالة




تحياتي + متابعتي

ادري تحبيني كثر حب الإبل للانتقام

كثر الخيال اللي غزا فكري وحاولت احلمه

أحبك وقلبي نبض قولي على الدنيا السلام
.................................................. ..هذي جريمة حب وانتي يا حياتي المجرمه
صح لسانك يا عبدالكريم
قصيده جزله من شاعر جزل
لك كل الود

ابدعت ياعبدالكريم ،
لكن ثاني شطر من أول بيت مدري وش فيه ؟

كأن فيه كلمه أو أكثر زياده مدري ماركب معي صح

سلام’ عليكم